देशाचे उपराष्ट्रपती जगदीप धनखड यांनी त्यांच्या उपराष्ट्रपतीपदाचा राजीनामा दिला आहे. त्यांनी प्रकृती बिघडल्याचे कारण देत राजीनामा दिला आहे. राष्ट्रपतींना लिहिलेल्या पत्रात धनखड यांनी राजीनामा देण्याबाबत सांगितले आहे.
मिळालेल्या माहितीनुसार जगदीप धनखड यांनी प्रकृतीच्या कारणास्तव उपराष्ट्रपती पदाचा राजीनामा दिला आहे. या संदर्भात त्यांनी राष्ट्रपती द्रौपदी मुर्मू यांना एक पत्र पाठवले आहे. राष्ट्रपतींना पाठवलेल्या पत्रात त्यांनी लिहिले आहे की, मी आरोग्याला प्राधान्य देत आणि डॉक्टरांच्या सल्ल्याचे पालन करून तात्काळ भारताच्या उपराष्ट्रपती पदाचा राजीनामा देत आहे. हा राजीनामा संविधानाच्या कलम 67 (अ) नुसार आहे. भारताच्या राष्ट्रपतींचे मी मनापासून आभार मानतो, ज्यांनी त्यांच्या कार्यकाळात मला सतत पाठिंबा आणि शांततापूर्ण कामकाजाचे संबंध प्रदान केले. हा माझ्यासाठी खूप आनंददायी अनुभव होता.
ते पुढे म्हणाले, मी माननीय पंतप्रधान आणि मंत्रिमंडळाचेही आभार मानतो. पंतप्रधानांचे सहकार्य माझ्यासाठी अत्यंत मौल्यवान आहे आणि मी माझ्या कार्यकाळात त्यांच्याकडून खूप काही शिकलो आहे. धनखड म्हणाले, माननीय खासदारांकडून मला मिळालेला स्नेह, विश्वास आणि आपुलकी माझ्यासाठी नेहमीच अमूल्य राहील आणि माझ्या स्मृतीत कोरली जाईल. या महान लोकशाहीत उपराष्ट्रपती म्हणून मला मिळालेल्या अमूल्य अनुभवांबद्दल आणि ज्ञानाबद्दल मी अत्यंत आभारी आहे.
त्यांनी पुढे लिहिले की, या महत्त्वाच्या काळात भारताच्या अभूतपूर्व आर्थिक प्रगती आणि असाधारण विकासाचे साक्षीदार होणे आणि त्यात सहभागी होणे ही माझ्यासाठी अभिमानाची आणि समाधानाची बाब आहे. आपल्या राष्ट्राच्या या परिवर्तनकारी युगात सेवा करणे हा माझ्यासाठी खरा सन्मान आहे. मी हे प्रतिष्ठित पद सोडत असताना, भारताच्या जागतिक उदय आणि त्याच्या आश्चर्यकारक कामगिरीबद्दल मला अभिमान आहे आणि मला त्याच्या उज्ज्वल भविष्यावर पूर्ण विश्वास आहे.
14वे उपराष्ट्रपती म्हणून धनखर यांचा पाच वर्षांचा कार्यकाळ 10 ऑगस्ट 2027रोजी संपत आहे. व्यवसायाने वकील असलेले धनखर हे उपराष्ट्रपती म्हणून निवडून येण्यापूर्वी पश्चिम बंगालचे राज्यपाल होते.
त्यांनी अचानक राजीनामा दिल्याने राजकीय वर्तुळात अनेक चर्चा रंगल्या आहेत. संसदेच्या सर्व सदस्यांकडून मला मिळालेले प्रेम आणि विश्वास नेहमीच माझ्या आठवणीत राहील.
देशाच्या महान लोकशाहीत उपराष्ट्रपती म्हणून मला अनेक अनुभव मिळाले यासाठी मी मनापासून आभारी आहे. देशाच्या आर्थिक प्रगतीचा आणि अभूतपूर्व विकासाचे साक्षीदार होणे आणि त्यात सहभागी असणे ही समाधानाची बाब आहे, असे धनखड यांनी आहे. म्हटले
