सॅमसंगच्या पहिल्या फोल्डेबल स्मार्टफोन गॅलेक्सी फोल्डची प्री-बुकिंग ११ ऑक्टोबरला करता येणार आहे. यापूर्वी, कंपनीने ४ ऑक्टोबर रोजी हा फोन प्री-बुकिंगसाठी उपलब्ध केला होता. मात्र तेव्हा अवघ्या अर्ध्या तासात हा फोन आउट ऑफ ऑफ स्टॉक झाला. ४ ऑक्टोबर रोजी कंपनीने १,६०० गॅलेक्सी फोल्ड युनिटची विक्री केली. प्री बुकिंगसाठी ग्राहकांना फोनची पूर्ण किंमत १,६४,९९९ रुपये आगाऊ द्यावयाची आहे. सॅमसंगच्या अधिकृत ऑनलाइन स्टोअरमध्ये दुपारी १२ वाजल्यापासून प्री-बुकिंग सुरू होईल.
प्रीमियम होम डिलिव्हरी, एक वर्षासाठी अपघात हानी संरक्षण मिळणार आहे. फोनसोबत बॉक्समध्ये गॅलेक्सी बड्स, Arambid केससह काही अॅक्सेसरीज आणि बुकलेट्स असतील. फोनची डिलिव्हरी २० ऑक्टोबरपासून सुरू होईल.
