महाराष्ट्रातील पुण्यात सेल्फीमुळे दोन मित्रांचा मृत्यू झाला. येथे नदीपात्राला भेट देण्यासाठी आलेले विद्यार्थी फोटो काढत होते. तसेच याचवेळेस सेल्फी काढत असताना एका मुलीचा पाय घसरला आणि ती नदीत पडली. मुलीला वाचवण्यासाठी एका तरुणानेही नदीत उडी मारली आणि दोघेही बुडाले. बऱ्याच प्रयत्नानंतर रोहनचा मृतदेह नदीतून बाहेर काढण्यात आला.
मिळालेल्या माहितीनुसार, या अपघातात श्रेया सुरेश गावडे वय 17 वर्षे आणि रोहन ज्ञानेश्वर ढोंबरे वय 22 यांचा मृत्यू झाला आहे. दोन्ही विद्यार्थी आपल्या इतर मित्रांसह कुंडमाळा मावळ परिसरातील इंद्रायणी नदीच्या काठावर मॉर्निंग वॉकसाठी आले होते. सेल्फी घेताना श्रेयाचा पाय घसरला आणि ती नदीच्या पाण्यात पडली, त्यानंतर रोहनही तिला वाचवण्यासाठी पुढे आला आणि दोघेही नदीच्या पाण्यात बुडाले.
श्रेया आणि रोहन बुडाल्यानंतर स्थानिक लोकांनी पोलिसांना आणि बचाव पथकाला या अपघाताची माहिती दिली. यानंतर रेस्क्यू टीमला बऱ्याच प्रयत्नांनंतर रोहनचा मृतदेह पाण्यातून सापडला, जो आता पोस्टमोर्टमसाठी रुग्णालयात पाठवण्यात आला आहे, तर श्रेयाचा मृतदेह अजूनही रेस्क्यू टीमला सापडलेला नाही.
