सध्या सर्वत्र उन्हाळा वाढत आहे. या दरम्यान आगीच्या घटनेत वाढ होत आहे. मंगळवारी मध्यरात्री उशिरा पुण्यातील वारजे परिसरात एका घरात गॅस सिलिंडरचा स्फोट झाल्यावर आग लागली. या आगीत दोन जणांचा होरपळून दुर्देवी मृत्यू झाला.या आगीत पिता आणि पुत्राचा मृत्यू झाला.
स्फोटाची माहिती देताना अधिकाऱ्यांनी सांगितले की, ही घटना महाराष्ट्रातील पुणे शहराच्या बाहेरील वारजे परिसरात घडली. एलपीजी (लिक्विड पेट्रोलियम गॅस) सिलिंडरचा स्फोट झाल्यानंतर आग लागली, जी नंतर विझवण्यात आली, असे अग्निशमन अधिकाऱ्याने सांगितले.
ते म्हणाले, "आम्ही घटनास्थळी पोहोचलो तेव्हा आम्हाला आढळले की सिलेंडरच्या स्फोटात दोन जण जखमी झाले आहेत. त्यांना रुग्णालयात नेण्यात आले जिथे डॉक्टरांनी त्यांना मृत घोषित केले." मोहन चव्हाण आणि त्यांचा मुलगा आतिश चव्हाण अशी मृतांची ओळख पटली आहे, असे अधिकाऱ्याने सांगितले. त्यांनी सांगितले की, मोहन चव्हाण यांचा दुसरा मुलगा एका रेस्टॉरंटमध्ये काम करतो आणि घटनेच्या वेळी तो घरी नव्हता.पोलीस प्रकरणाचा तपास करत आहे.
