Festival Posters

कसबा पेठ आणि चिंचवड विधानसभा पोटनिवडणुक मतदानाच्या तारखा बदलल्या

Webdunia
बुधवार, 25 जानेवारी 2023 (15:37 IST)
पुणे : गेल्या काही दिवसांपासून राज्यामध्ये कसबा पेठ आणि चिंचवड इथल्या विधानसभा पोटनिवडणुकीवर राजकीय वातावरण तापल्याचे दिसत आहे. लक्ष्मण जगताप आणि मुक्ता टिळक यांच्या निधनामुळे रिक्त झालेल्या जागेवर पोटनिवडणुकीची घोषणा आयोगाने काही दिवसांपूर्वी केली होती. ही निवडणूक बिनविरोध केली जावी, यासंदर्भात राजकीय चर्चा सुरू झाली होती. परंतु, त्यावरून सत्ताधारी आणि विरोधकांमध्ये एकमत होताना दिसत नाही. त्यातच आता निवडणूक आयोगाने महत्त्वपूर्ण घोषणा केली असून कसबापेठ आणि चिंचवडमधील पोटनिवडणुकांच्या तारखांमध्ये आयोगाने बदल केले आहेत.
 
दरम्यान, निवडणूक आयोगाने याआधी १८ जानेवारी रोजी केलेल्या घोषणेनुसार महाराष्ट्र, अरुणाचल प्रदेश, पश्चिम बंगाल, झारखंड, तमिळनाडू आणि लक्षद्वीप केंद्रशासित प्रदेशामधील काही जागांवर २७ फेब्रुवारी रोजी मतदान होणार असल्याचे जाहीर करण्यात आले होते. त्यानंतर २ मार्च रोजी मतमोजणीची तारीख देखील निश्चित करण्यात आली होती. परंतु, त्यानंतर महाराष्ट्रातील १२वीच्या परीक्षा आणि मतदानाच्या तारखा एकाच काळात येत असल्याचा मुद्दा उपस्थित झाल्यानंतर आयोगाने मतदानाच्या तारखांमध्ये बदल केला आहे.
असे आहे निवडणुकीचे नवीन वेळापत्रक
 
आयोगाने यासंदर्भात परिपत्रक काढून घोषणा केली आहे. या पत्रकानुसार, महाराष्ट्रातील चिंचवड विधानसभा मतदारसंघ आणि कसबा पेठ विधानसभा मतदारसंघात होणाऱ्या पोटनिवडणुकांसाठी ३१ जानेवारी रोजी अधिसूचना काढली जाईल. त्यानंतर अर्ज दाखल करण्याची अंतिम मुदत ७ फेब्रुवारी असेल. ८ फेब्रुवारी रोजी अर्जांची छाननी करण्यात येईल. १० फेब्रुवारी ही अर्ज मागे घेण्याची अंतिम मुदत असेल. त्यानंतर २७ फेब्रुवारी रोजी या दोन विधानसभा मतदारसंघांमध्ये मतदान होईल. यानंतर पूर्वनियोजित कार्यक्रमानुसार २ मार्च रोजी इतर राज्यांतील पोटनिवडणुकांसोबतच महाराष्ट्रातील या दोन मतदारसंघांमध्येही मतमोजणी करण्यात येईल. आयोगाच्या पत्रकानुसार ४ मार्चपूर्वी मतदानाची सर्व प्रक्रिया पूर्ण करणे बंधनकारक असेल.
 
 
Edited By- Ratnadeep Ranshoor
 

संबंधित माहिती

सर्व पहा

नक्की वाचा

शनिदेवाच्या पूजेत तांब्याची भांडी का वापरू नयेत? नेमकं कारण काय?

जूनमध्ये गुरूचा महापरिवर्तन योग; ३ राशींचे भाग्य उजळणार

हॉटेलमधून मागवण्याऐवजी घरीच बनवा Restaurant Style Mix Veg

रक्तदाब नियंत्रणासाठी वेलची ठरते रामबाण? जाणून घ्या तिचे आश्चर्यकारक फायदे

Career in Polytechnic After 12th: बारावीनंतर या टॉप पॉलिटेक्निक कोर्समध्ये डिप्लोमा कोर्स करा

सर्व पहा

नवीन

नागपूरमध्ये भाजप नेत्याला धमकी; १ कोटी न दिल्यास कुटुंबीयांना गोळ्या घालण्याची धमकी

LIVE: मनोज जरांगे यांनी उपोषण सुरू केले

मनोज जरांगे यांनी उपोषण सुरू केले, दीड तासाची चर्चा निष्फळ ठरली, प्रसाद लाड अंतरवाली सराटी निघाले

परभणी जिल्ह्यात भीषण रस्ते अपघात, बस-बाईक धडकेत चार जणांचा मृत्यू

"कलेक्टर साहेब, मला मृत्यू द्या..." पत्नीच्या छळाला कंटाळून जेव्हा एका हताश पतीने मागितले इच्छामरण!

पुढील लेख
Show comments