अहमदाबाद एअर इंडियाच्या विमान अपघातात नागपूरच्या यशा कामदार, तिचा मुलगा रुद्र आणि सासू रक्षा मोधा हे देखील होते. या अपघातात तिघांचाही मृत्यू झाला आहे. अपघाताची बातमी मिळताच नागपूर येथील कुटुंबाला धक्का बसला आहे.
अहमदाबाद विमानतळावरून उड्डाण घेतल्यानंतर काही वेळातच लंडनला जाणारे एअर इंडियाचे विमान कोसळले. या अपघातात नागपूरच्या यशा कामदार त्यांची सासू रक्षा मोधा आणि 2 वर्षाचा मुलगा रुद्र हे देखील प्रवास करत होते दुर्देवाने हे तिघे अपघाताला बळी पडले.
कुटुंबातील सदस्यांना ही माहिती कळतातच यशाचे वडील मनीष कामदार हे त्यांच्या नातेवाईकांसह रस्त्यामार्गे अहमदाबादला रवाना झाले. अपघाताची माहिती कळतातच नातेवाईकांमध्ये आणि शेजारऱ्यांमध्ये शोककळा पसरली आहे.
कामदारांच्या नातेवाईकांनी सांगितले की, यशाचे लग्न अहमदाबाद मध्ये झाले असून ती लंडन मध्ये वास्तव्यास होती. तिच्या सासू रक्षा मोधा आणि मुलगा रुद्र हे देखील विमानात तिच्यासह होते. तिची सासू पोरबंदरमध्ये राहत होत्या. सर्व जण बिझिनेस क्लास मधून प्रवास करत होते.
यशा लंडन राहायच्या 2 महिन्यांपूर्वी त्यांच्या सासऱ्यांचे निधन झाल्यामुळे त्या भारतात आल्या आणि काही काळ इथेच होत्या.व्हिसा आणि इतर औपचारिकता पूर्ण करण्यासाठी यशा लंडन जात असताना हा दुर्देवी अपघात घडला.
