Festival Posters

Select Your Language

Notifications

webdunia
webdunia
webdunia
webdunia

कोल्हापूर : भरधाव कारची बाईकला धडक, बँक मॅनेजरचा जागीच मृत्यू तर पत्नी गंभीर जखमी

Accident, Kollam Accident, KSRTC bus accident in Kollam, അപകടം, കെഎസ്ആര്‍ടിസി ബസ് അപകടം, കൊല്ലത്ത് ബസ് അപകടം
कोल्हापूरमध्ये पेठवडगाव-हातकणंगले रस्त्यावर भरधाव कारने धडक दिल्याने बाईकस्वार बँक मॅनेजरचा मृत्यू झाला. या अपघातात त्यांची पत्नी गंभीर जखमी झाली असून, ही घटना सीसीटीव्हीमध्ये कैद झाली आहे.
मिळालेल्या माहितीनुसार सोमवारी, पेठवडगाव-हातकणंगले रस्त्यावर भरधाव कारने समोरून येणाऱ्या बाईकला इतक्या जोरात धडक दिली की, बाईकस्वार जोडपे रस्त्यावरून बाजूला फेकले गेले. एचडीएफसी बँकेचे मॅनेजर दीपक शिंदे यांचा जागीच मृत्यू झाला, तर त्यांची पत्नी आशारानी गंभीर जखमी झाल्या. हा अपघात हातकणंगले तालुक्यातील मिंचे गावाजवळ घडला. मृत दीपक हे सांगलीतील एचडीएफसी बँकेत मॅनेजर होते आणि मिरज येथे राहत होते. अपघातानंतर, त्यांची पत्नी आशारानी यांना गंभीर अवस्थेत रुग्णालयात दाखल करण्यात आले आहे. पोलिसांनी दिलेल्या माहितीनुसार, दीपक शिंदे रविवारी आपल्या पत्नीसोबत वडगावच्या हनुमान रोड परिसरात राहणाऱ्या एका आजारी नातेवाईकाला भेटायला आले होते. सोमवारी ते त्यांच्या बाईकवरून मिरजला परत येत होते. ते मिंचे गावाजवळ पोहोचलेच होते, तेवढ्यात रस्त्याच्या विरुद्ध बाजूने एक भरधाव वेगाने येणारी कार अचानक आली. कारने त्यांच्या बाईकला समोरून धडक दिली. या धडकेनंतर बाईकचे मोठे नुकसान झाले आणि हे जोडपे रस्त्यावरून बाजूला एका शेतात फेकले गेले. दीपक यांच्या छाती आणि पोटाला गंभीर दुखापत झाली. स्थानिकांनी तात्काळ घटनास्थळी धाव घेतली आणि त्यांना मदत केली. मात्र, दीपक यांचा जागीच मृत्यू झाला. गंभीर जखमी झालेल्या आशारानी यांना तात्काळ एका खाजगी रुग्णालयात नेण्यात आले असून, त्यांच्यावर उपचार सुरू आहे.
ALSO READ: १२ ऑक्टोबरपर्यंत शेतकऱ्यांना मदत न मिळाल्यास समृद्धी महामार्ग रोखू, रोहित पवार यांचा फडणवीस सरकारला इशारा
Edited By- Dhanashri Naik

Share this Story:

Follow Webdunia marathi

पुढील लेख

महाराष्ट्र राज्य परिवहन महामंडळ दुर्गम आणि डोंगराळ भागांसाठी १०० नवीन बसेसचा समावेश करणार