गोंदिया : व्हॅलेंटाईन डे 2 दिवसांवर येत आहे. सर्वत्र तरुणाईचा उत्साह दिसत आहे. व्हॅलेंटाईन सप्ताह साजरा केला जात आहे. मात्र गोंदियात एक धक्कादायक घटना समोर आली आहे. गोंदिया शहरातील हॉटेल एव्हर ग्रीन येथे एका दाम्पत्याने विष प्राशन करून आत्महत्या केली. असाच प्रकार काल (गुरुवारी) रात्री घडला. या घटनेने परिसरात खळबळ उडाली आहे.
गोंदियातील हॉटेल एव्हर ग्रीनमध्ये एका दाम्पत्याने विष प्राशन करून आत्महत्या केली असून, या दाम्पत्याचे मृतदेह पुढील तपासासाठी पाठवण्यात आले आहेत. दोघांच्या नात्याला दोघांच्या कुटुंबीयांचा विरोध होता, त्यामुळे या जोडप्याने अखेरचे पाऊल उचलल्याची चर्चा आहे. मात्र, गोंदिया ग्रामीण पोलीस घटनेच्या कारणाचा तपास करत आहेत.
या जोडप्यात मुलीचे वय अवघे २१ वर्षे आणि तरुणाचे वय २२ वर्षे आहे. रोहिणी पवार ही नागपूरची तर आकाश चेटिया हा गोंदियाचा आहे. एव्हरग्रीन हॉटेलमधील एका खोलीत आकाश आणि रोहिणी बेशुद्धावस्थेत आढळले. दोघांनाही गंभीर अवस्थेत जिल्हा सामान्य रुग्णालयात दाखल करण्यात आले, मात्र उपचारादरम्यान त्यांचा मृत्यू झाल्याचे डॉक्टरांचे म्हणणे आहे.
दरम्यान, या घटनेने परिसरात खळबळ उडाली आहे. आत्महत्येमागील कारणांचा पोलीस तपास करत आहेत. पोलीस अधिक तपास करत आहेत.
