ईडीने विंध्यवासिनी ग्रुप ऑफ कंपनी आणि त्यांच्या प्रवर्तकांच्याविरुद्ध मोठ्या बँक फसवणुकीच्या प्रकरणात
81.88 कोटी रुपयांची जंगम आणि स्थावर मालमत्ता जप्त केली आहे. ही कारवाई मनी लाँडरिंग प्रतिबंधक कायदा 2022 अंतर्गत करण्यात आली आहे.
ईडीच्या मुंबई झोनल ऑफिस 2 ने केलेल्या कारवाईत ग्रुप प्रमोटर्स गुप्ता आणि त्यांच्या सहकाऱ्यांवर आरोप केले आहे. सीबीआयच्या मुंबई युनिटने एफआयआरच्या आधारे भारतीय दंड संहिता आणि भ्रष्टचार प्रतिबंधक कायद्याच्या आधारे विविध कलमांखाली गुन्हे दाखल करण्यात आले आहे.
सीबीआयने केलेल्या तपासात आढळले की, आरोपींनी बँक अधिकारी, चार्टड अकाउंटंट, कर्ज सल्लागार, आणि इतरांसह कट रचून बनावट कागदपत्रे बनवून एसबीआय कडून विविध कंपन्यांच्या नावाने कर्ज घेतले. आणि रक्कम वैयक्तिक आणि इतर कारणांसाठी वळवली.
आरोपींनी 50 हुन अधिक शेल कंपन्यांद्वारे कर्जाच्या रकमेने अनेक मालमत्ता खरेदी केली. त्यातील काही स्वतःच्या नावावर, काही कुटुंबाच्या नावावर तर काही बेनामी आहे. या प्रकरणी ईडीने मुख्य आरोपी विजय आर गुप्ता यांना 26 मार्च 2025 रोजी अटक केली असून सध्या ते न्यायालयीन कोठडीत आहे. या प्रकरणाचा तपास सुरु आहे.
