.
येवला तालुक्यातील राजापूर येथील पन्हाळपाटी शिवारात राहणाऱ्या एका तरुणीचा सर्पदंशाने दुर्दैवी मृत्यू झाल्याची घटना घडली आहे..
याबाबत अधिक माहिती अशी की, प्रगती वाघ असे मृत तरुणीची नाव असून ती राजापूर येथील एका महाविद्यालयात बारावी विज्ञान शाखेत शिक्षण घेत होती. तिच्या घरची परिस्थिती हलाखीची असल्याने आई-वडिलांना शेतीच्या कामात देखील मदत करत होती.
काल दुपारच्या सुमारास प्रगती शेतात काम करत असतांना तिला सर्पदंश झाला. त्यानंतर अशा परिस्थितीत देखील ती स्वतः स्कुटी चालवत राजापूर येथे आली. मात्र त्याठिकाणी पोहचली असता ती बेशुद्ध झाली. यानंतर नातेवाईकांनी तिला पुढील उपचारासाठी उपजिल्हा रुग्णालयात दाखल केले.
सर्पदंशामुळे तरुणीचा मृत्यू
पंरतु, त्याठिकाणी तिला बरे वाटत नसल्याने पुढील उपचारासाठी साई सिद्धी हॉस्पिटलमध्ये दाखल करण्यात आले. मात्र, उपचार सुरु असतानाच तिची प्राणज्योत मावळली. दरम्यान प्रगतीच्या अकाली जाण्याने तिच्या कुटुंबीयांसह राजापूर गावावर शोककळा पसरली आहे.
Edited by : Ratnadeep Ranshoor
