महाराष्ट्रातील शेतकऱ्यांसाठी मोठी बातमी; पुनर्पेरणीसाठी डीपीडीसीकडून आर्थिक मदत मिळणार

बनावट बियाण्यांमुळे नुकसान झालेल्या शेतकऱ्यांना आर्थिक मदत आणि जिल्हा नियोजन विकास समितीकडून (DPDC) मोफत बियाणे देण्याचा निर्णय महाराष्ट्र सरकारने घेतला आहे. बनावट बियाणे कंपन्यांवर कठोर कारवाई करण्याचे आदेश देण्यात आले आहे.

महाराष्ट्रातील शेतकऱ्यांसाठी एक महत्त्वपूर्ण दिलासादायक बातमी आली आहे. राज्याचे महसूल मंत्री चंद्रशेखर बावनकुळे यांनी मंगळवारी शेतकऱ्यांच्या हितासाठी एक मोठी घोषणा केली. दुबार पेरणीसाठी जिल्हा नियोजन विकास समितीच्या (DPDC) निधीतून आर्थिक मदत आणि नवीन बियाणे देण्याचा निर्णय सरकारने घेतला आहे.

महाराष्ट्राचे महसूल मंत्री चंद्रशेखर बावनकुळे यांनी मंगळवारी एक मोठी घोषणा केली. बनावट बियाणे पेरल्यास एकतर बियाणे उगवत नाही किंवा पेरलेले बियाणे खराब होते, असे त्यांनी सांगितले. शेतकऱ्यांसमोरील या संकटाच्या पार्श्वभूमीवर, सरकारने डीपीडीसीकडून दुबार पेरणीसाठी निधी देण्याचा निर्णय घेतला आहे. सरकार आता बियाणे पुरवणार आहे. दुबार पेरणीसाठीचा निधी डीपीडीसीकडून दिला जाईल. या योजनेत पारदर्शकता आणि गती सुनिश्चित करण्यासाठी जिल्हाधिकाऱ्यांना जबाबदारी सोपवण्यात आली आहे.

मंत्री चंद्रशेखर बावनकुळे यांनी कडक इशारा दिला आहे की, शेतकऱ्यांना बनावट बियाणे पुरवणाऱ्या कंपन्यांविरुद्ध फौजदारी गुन्हे दाखल करण्यात आले आहे. अशा फसवणूक करणाऱ्या कंपन्यांच्या मालकांना आणि डीलर्सना तातडीने अटक करण्याचे आदेश पोलीस आणि संबंधित विभागांना देण्यात आले आहे.

Edited By- Dhanashri Naik