मिनी मॅरेथॉन दरम्यान अचानक गोळीबार, एक जण जखमी

Odisha News: ओडिशातील राउरकेला येथे रविवारी सकाळी धक्कादायक घटना घडली. येथील मिनी मॅरेथॉन कार्यक्रमादरम्यान अचानक गोळीबार झाल्याची घटना समोर आली आहे. तसेच गोळीबाराच्या घटनेनंतर एका तरुणालाही गोळी लागली, त्यामुळे तो जखमी झाला. गोळी लागल्यानंतर त्याला तात्काळ रुग्णालयात नेण्यात आले, जिथे त्याची प्रकृती चिंताजनक असल्याचे सांगण्यात आले. पण, नंतर परिस्थिती सुधारत असल्याचे सांगण्यात आले.  

मिळालेल्या माहितीनुसार ही घटना सेक्टर-२ येथील बिजू पटनायक चौकात घडली, जिथे मॅरेथॉनचे आयोजन करण्यात आले होते. कार्यक्रमादरम्यान अचानक गोळीबार झाल्याने गोंधळ उडाला. घटनेची माहिती मिळताच पोलिसांनीही घटनास्थळ गाठून तपास सुरू केला. शहर डीएसपींनीही घटनास्थळी भेट दिली. पोलिसांचे म्हणणे आहे की, "आम्हाला सेक्टर 2 मध्ये कोणीतरी गोळी मारल्याची माहिती मिळाली. आम्हाला माहिती मिळताच आम्ही घटनास्थळी पोहोचलो आणि प्रकरणाचा तपास सुरू केला. गोळी कुठून आली याचा तपास सुरू आहे.  

Edited By- Dhanashri Naik