गोवा विधानसभा निवडणूक : भाजप 40 पैकी 38 जागा लढवणार, 16 जानेवारीला उमेदवारांची घोषणा होऊ शकते

गोव्यातील सत्ताधारी भारतीय जनता पक्ष (भाजप) पक्षाने 40 पैकी 38 विधानसभा जागांवर आपले उमेदवार उभे करण्याचा निर्णय घेतला आहे. पक्षाच्या एका वरिष्ठ कार्यकर्त्याने सांगितले की, बेनौलिम आणि नौवेममध्ये पक्ष आपल्या चिन्हा खाली उमेदवार उभा करणार नाही. गोव्यात 14 फेब्रुवारीला निवडणुका होणार आहेत. 

भाजपच्या एका कार्यकर्त्याने सांगितले की, पक्ष बेनौलिम आणि नुवेम विधानसभा जागांवर निवडणूक चिन्हावर उमेदवार उभा करणार नाही. ते म्हणाले की, परंपरेने बेनौलीम आणि नुवेमचे लोक बिगर भाजप उमेदवारांना विजयी करत आले आहेत. या दोन्ही ख्रिश्चन बहुसंख्य जागा आहेत. बेनौलीम मतदार संघातून निवडणूक जिंकून राष्ट्रवादीचे चर्चिल आलेमाओ आमदार झाले.

गोव्यात भाजपचे सध्या 23 आमदार आहेत. मायकेल लोबो, अलिना सल्दाना, कार्लोस आल्मेडा आणि प्रवीण जांत्ये या चार आमदारांनी पक्षाचा राजीनामा दिला आहे.  भाजप पदाधिकाऱ्याच्या म्हणण्यानुसार, उमेदवारांची यादी संसदीय मंडळाने मंजूर केल्यानंतरच औपचारिक घोषणा केली जाईल

उमेदवारांची नावे निश्चित करण्यासाठी भाजप कोअर कमिटीच्या बैठका घेत आहेत. महाराष्ट्राचे माजी मुख्यमंत्री आणि गोवा विधानसभा निवडणुकीचे प्रभारी देवेंद्र फडणवीस या बैठकीच्या अध्यक्षस्थानी आहेत.

या बैठकीला भाजपचे प्रदेशाध्यक्ष सदानंद शेट तानावडे, मुख्यमंत्री प्रमोद सावंत आदी उपस्थित होते. प्रमोद सावंत यांनी गुरुवारी भाजपचे पदाधिकारी येथे येऊन वरिष्ठ अधिकाऱ्यांची बैठक घेणार असल्याचे सांगितले होते. संसदीय मंडळ दुसऱ्या दिवशी नावे जाहीर करेल.