लेडीज चपलांमधील 11 कोटींचे सोने हस्तगत

मुंबई- शिवडी गोदीमधील कंटेनरमधून कस्टम अधिकार्‍यांनी 38 किलो सोने हस्तगत केले आहे. गेल्या 20 वर्षांतील कस्टम अधिकार्‍यांची ही सर्वात मोठी कारवाई आहे. लेडीज चपलांमध्ये हे सोने लपवण्यात आले होते. या सोन्याची किंमत 11 कोटी 40 लाख रूपये आहे.

डोंगरी येथील एक इम्पोर्ट कंपनी अल रहमान इम्पेक्सने या महिलाच्या स्लीपर्स थायलंडमधून मागवल्या होत्या. 21 सप्टेंबर रोजी ही कन्साइनमेंट इंदिरा कॉक्सला आली आणि नंतर कस्टम तपासणीसाठी शिवडी टिम्बर पाँडमध्ये आणण्यात आले. कस्टम अधिकारी अधल्यामधल्या कंटेनर्सची तपासणी करत करतात.