हभप मधुकर महाराज बारूळकर यांचे अपघाती निधन

नांदेड मध्ये बहुजन चळवळीचे ज्येष्ठ अभ्यासक आणि पुरोगामी विचारवंत हभप मधुकर महाराज बारुळकर यांचे अपघाती निधन झाले आहे. 

सदर घटना काल दुपारी घडली. नांदेड जिल्ह्यातील प्रसिद्ध शिवव्याख्याते हभप महाराज बारुळकर यांचे दुचाकी आणि टिप्परची धडक होऊन भीषण अपघात घडला आणि या अपघातात त्यांचे दुर्देवी निधन झाले.

नांदेड शहरातील ढवळे कॉर्नर परिसरात ही हृदयद्रावक घटना घडली. 

वृत्तानुसार, नांदेड येथे शिव कुटुंब मेळावा आयोजित करण्यात आला असून हा मेळावा झाल्यानंतर बारुळकर महाराज आपल्या दुचाकीने स्वगावी बारुळकडे निघाले असताना ढवळे कॉर्नर येथे पाठीमागून येणाऱ्या भरधाव टिप्परने त्याच्या दुचाकीला जोरात धडक दिली. या जोरदार धडकेत महाराजांचा जागीच मृत्यू झाला. 

त्यांच्या आकस्मिक निधनाने सामाजिक आणि प्रबोधन क्षेत्रात शोककळा पसरली आहे.

Edited By - Priya Dixit