सरकारने आर्थिक मदत नाकारल्याने महाराष्ट्र एसटी महामंडळाला मोठा धक्का

महाराष्ट्र राज्य रस्ते वाहतूक महामंडळाला (एसटी) राज्याच्या वित्त विभागाकडून मोठा धक्का बसला आहे. यापूर्वी, आर्थिक तोट्यात चालणाऱ्या एसटी महामंडळाला सरकारकडून नियमितपणे आर्थिक मदत मिळत होती, परंतु आता राज्य सरकारने हा निधी देण्यास नकार दिला आहे.

यामुळे सुमारे ९०,००० एसटी कर्मचाऱ्यांच्या पगाराचे संकट निर्माण झाले आहे. सूत्रांनुसार, वित्त विभागाने स्पष्ट केले आहे की, एसटी महामंडळाला आता सरकारवर अवलंबून न राहता स्वतःच्या संसाधनांमधून आर्थिक व्यवस्था करावी लागेल. या निर्णयामुळे एसटी कर्मचाऱ्यांच्या पगाराला विलंब होण्याची शक्यता वाढली आहे.

महाराष्ट्र एसटी कर्मचारी काँग्रेसचे सरचिटणीस श्रीरंग बर्गे यांनी या प्रकरणी सरकारवर गंभीर आरोप केले आहे. सरकारने उचललेले पाऊल म्हणजे 'एसटी कर्मचाऱ्यांच्या पाठीत खंजीर खुपसण्यासारखे' आहे. राज्य सरकारकडे एसटी महामंडळाची अंदाजे ४०८ कोटी रुपयांची थकबाकी आहे.

पेट्रोल आणि डिझेलच्या दरात वाढ होऊनही, बसचे भाडे वाढवण्यात आलेले नाही. परिवहन मंत्री प्रताप सरनाईक यांनी आधीच स्पष्ट केले आहे की, सध्या भाडेवाढीचा कोणताही प्रस्ताव नाही.

Edited By- Dhanashri Naik