मुंबईत सुलभ शौचालयाचा स्लॅब कोसळून तीन ठार

मुंबई- मानखुर्द येथे सुलभ शौचालयाचा स्लॅब कोसळून झालेल्या अपघातात तीन जण ठार झाले आहेत. तर अन्य काही जण जखमी झाले आहेत. मानखुर्द येथील इंदिरानगरमध्ये एका सुलभ शौचालयाचा स्लॅब कोसळला. त्यामध्ये तीन जण मृत्यूमुखी पडले.

जखमी झालेल्या तीन लोकांना राजावाडी रूग्णालयात दाखल करण्यात आले आहे. घटनास्थळी पोलिस दाखल झाले असून घटनेची चौकशी करण्यात येत आहे.