महाराष्ट्रात लाऊडस्पीकरबाबत नवीन एसओपी जारी करण्यात आली आहे. पोलिसांचे म्हणणे आहे की कायदा सर्वांसाठी समान आहे. आता धार्मिक असो वा सार्वजनिक, नियम मोडल्यास थेट तुरुंगवास होईल.
मिळालेल्या माहितीनुसार गेल्या काही महिन्यांत महाराष्ट्रात लाऊडस्पीकरबाबत राजकारण तापले होते. महायुती सरकारने लाऊडस्पीकरवर कारवाई करण्याचे निर्देश दिले असून आता लाऊडस्पीकरचा आवाज ऐकू येताच पोलिस घटनास्थळी जाऊन चौकशी करतील. जर नियम मोडले तर थेट एफआयआर नोंदवला जाईल आणि दंडही आकारला जाईल. लाऊडस्पीकर जप्त करण्याचे निर्देशही सरकारने पोलिसांना दिले आहे.
छत्रपती संभाजीनगरमध्ये ध्वनी प्रदूषणाबाबत महाराष्ट्र पोलिसांनी मोठे पाऊल उचलले आहे. लाऊडस्पीकरचा बेकायदेशीर वापर आणि नियम मोडणाऱ्यांवर कडक कारवाई करण्याची घोषणा पोलिसांनी केली आहे. विशेषतः धार्मिक आणि सार्वजनिक ठिकाणी नियम मोडणाऱ्यांवर लक्ष ठेवण्यासाठी एक तपशीलवार मानक कार्यप्रणाली (एसओपी) जारी करण्यात आली आहे.
Edited By- Dhanashri Naik
