ओडिशा-महाराष्ट्र ड्रग्ज नेटवर्कचा पर्दाफाश, २ तस्करांना अटक

डी.आर.आय. नागपूरने आंतरराज्यीय ड्रग्ज तस्करी नेटवर्कचा पर्दाफाश करत ५२२.५५४ किलो गांजा जप्त केला. या कारवाईत दोन आरोपींना अटक करण्यात आली.

महसूल गुप्तचर संचालनालयाच्या (डी.आर.आय.) नागपूर युनिटने शुक्रवारी आंतरराज्यीय ड्रग्ज तस्करी टोळीचा पर्दाफाश करत अंदाजे २.६१ कोटी रुपये किमतीचा ५२२.५५४ किलो गांजा जप्त केला.

निकट पाळत आणि गुप्त माहितीच्या आधारे केलेल्या कारवाईत, ओडिशा-मध्य भारत कॉरिडॉरमधून महाराष्ट्रात कार्यरत असलेल्या ड्रग्ज तस्करी नेटवर्कशी संबंधित दोन व्यक्तींना अटक करण्यात आली. व एका ट्रकमध्ये लपवलेला ५२२ किलो गांजाचा मोठा साठा जप्त करण्यात आला.

या वर्षाच्या सुरुवातीला, दोन स्वतंत्र परंतु एकमेकांशी जोडलेल्या कारवायांमध्ये, डी.आर.आय.च्या या पथकाने ६.२५ कोटी रुपये किमतीचा १,२५० किलोग्रॅमहून अधिक गांजा जप्त केला आणि सूत्रधारासह चार जणांना अटक केली. या सलग कारवाया राज्यांच्या सीमा ओलांडून कार्यरत असलेल्या संघटित अमली पदार्थ तस्करीच्या नेटवर्कविरुद्ध डी.आर.आय.ने केलेल्या कठोर कारवाईचे निदर्शक आहेत हे पथक तस्करांवर कडक नजर ठेवून आहे.

Edited By- Dhanashri Naik