रेल्वे प्रवाशांसाठी आनंदाची बातमी; आता खानदेश एक्सप्रेस आठवड्यातून सहा दिवस धावणार

रेल्वेने एलटीटी मुंबई-रक्सौल विशेष ट्रेनच्या १४ अतिरिक्त फेऱ्या वाढवल्या आहे. दादर-भुसावळ खानदेश एक्सप्रेस आता १ ऑगस्टपासून आठवड्यातून सहा दिवस धावणार आहे.

​​प्रवाशांची सोय आणि वाढती गर्दी लक्षात घेऊन रेल्वेने दोन महत्त्वाचे निर्णय घेतले आहे. लोकमान्य टिळक टर्मिनस (एलटीटी)-रक्सौल विशेष ट्रेनच्या १४ अतिरिक्त फेऱ्या वाढवण्यात आल्या आहेत. दादर-भुसावळ खानदेश एक्सप्रेस आता तीन दिवसांऐवजी आठवड्यातून सहा दिवस धावणार आहे. याव्यतिरिक्त, ट्रेनला बोईसर आणि डहाणू रोड स्थानकांवर अतिरिक्त थांबे देण्यात आले आहे. या निर्णयामुळे मुंबई, बिहार, गुजरात आणि उत्तर महाराष्ट्रातील हजारो प्रवाशांना मोठा दिलासा मिळण्याची अपेक्षा आहे.

रेल्वेने दिलेल्या माहितीनुसार, गाडी क्रमांक ०५५५८ एलटीटी मुंबई-रक्सौल साप्ताहिक विशेष, जी मूळतः ३० जुलैपर्यंत धावणार होती, ती आता १७ सप्टेंबरपर्यंत दर गुरुवारी धावेल. या कालावधीत, गाडी एकूण सात अतिरिक्त फेऱ्या करेल. त्याचप्रमाणे, ०५५५७ रक्सौल-एलटीटी मुंबई साप्ताहिक विशेष गाडी १५ सप्टेंबरपर्यंत दर मंगळवारी धावणार आहे. ही गाडी देखील सात अतिरिक्त फेऱ्या करेल.

रेल्वेने स्पष्ट केले आहे की गाडीच्या धावण्याच्या दिवसांमध्ये, वेळापत्रकात आणि सर्व स्थानकांवरील थांब्यांमध्ये कोणताही बदल नाही. तिकीट बुकिंग आधीच सुरू झाले आहे.

दादर-भुसावळ खानदेश एक्सप्रेस आता आठवड्यातून सहा दिवस धावणार 

प्रवाशांच्या सोयीसाठी, रेल्वेने १९००३/१९००४ दादर मुंबई-भुसावळ खानदेश एक्सप्रेसची वारंवारता देखील वाढवली आहे. १ ऑगस्टपासून, ही ट्रेन शुक्रवार वगळता आठवड्यातून सहा दिवस, म्हणजेच सोमवार, मंगळवार, बुधवार, गुरुवार, शनिवार आणि रविवार धावेल. त्याचप्रमाणे, भुसावळ ते दादर धावणारी १९००४ क्रमांकाची गाडीदेखील याच सहा दिवशी धावेल.

रेल्वेने बोईसर आणि डहाणू रोड स्थानकांवरही अतिरिक्त थांबे देण्याचा निर्णय घेतला आहे. याशिवाय, बोरीवली, विरार, पालघर, वापी, वलसाड, नवसारी, भेस्तान, चलठाण, बारडोली, व्यारा, नवापूर, नंदुरबार, दोंडाईचा, सिंदखेडा, नरडाणा, अमळनेर, धरणगाव आणि जळगाव यासह दोन्ही दिशांच्या अनेक प्रमुख स्थानकांवर ही गाडी थांबत राहील. 

Edited By- Dhanashri Naik