हवामान खात्याने उत्तर भारतात थंडी वाढण्याचा अंदाज वर्तवला आहे, तर दक्षिण भारतीय राज्यांमध्ये पावसाचा अंदाज वर्तवला आहे.
आंध्र प्रदेश आणि तामिळनाडूसह दक्षिण भारतात शुक्रवारी मुसळधार पाऊस पडू शकतो. हवामान खात्यानुसार, २४ ऑक्टोबर रोजी आग्नेय आणि लगतच्या पूर्व-मध्य बंगालच्या उपसागरावर आणखी एक कमी दाबाचा पट्टा तयार होण्याची शक्यता आहे. यामुळे २४ ऑक्टोबर रोजी केरळ, माहे, किनारी कर्नाटक, तामिळनाडू, कोकण आणि गोव्यात मुसळधार पाऊस पडण्याची शक्यता आहे. हवामान खात्याने हा इशारा दिला आहे.
हवामान खात्याने सांगितले की, तिरुनेलवेली, कन्याकुमारी, तेनकासी, वेल्लोर, तिरुवन्नमलाई आणि तामिळनाडूच्या कोइम्बतूर आणि तिरुपूर जिल्ह्यांच्या घाट भागात काही ठिकाणी गडगडाटी वादळासह हलका ते मध्यम पाऊस पडण्याची शक्यता आहे.
तसेच २४ ऑक्टोबर रोजी मध्य महाराष्ट्रात अनेक ठिकाणी हलका ते मध्यम पाऊस पडण्याची शक्यता आहे. २५ आणि २६ ऑक्टोबर रोजी गुजरात प्रदेश, सौराष्ट्र आणि कच्छमधील काही ठिकाणी मुसळधार पाऊस पडण्याची शक्यता आहे.
Edited By- Dhanashri Naik
