Rain Update : मुंबईत आज आणि उद्या मुसळधार पाऊस, या भागात यलो अलर्ट

राज्यातील विविध भागात मुसळधार सरी  कोसळत आहे. मान्सून परतीच्या प्रवासावर आहे. मुंबई, आणि नवी मुंबई सह उपनगरात मुसळधार पाऊसने हजेरी लावली.अचानक झालेल्या पावसामुळे नागरिकांचा गोंधळ उडाला. अनेक जिल्ह्यात पिकांचे मोठे नुकसान झाले आहे. हवामान खात्यानं आज आणि उद्या मुंबई उपनगर आणि आजूबाजूच्या भागात विजांचा कडकडाटासह मुसळधार पावसाची शक्यता वर्तवण्यात आली आहे. तसेच हवामान खात्याकडून मुंबईसाठी यलो अलर्ट जाहीर करण्यात आला आहे. 

पालघर, ठाणे, रायगड, मुंबई, सिंधुदुर्ग आणि रत्नागिरी या भागात यलो अलर्ट जाहीर केला आहे. मुंबईकरांना काळजी घेण्यास सांगण्यात आले आहे. तर मध्य महाराष्ट्रातील नगर, सोलापूर, नाशिक, पुणे, सातारा,सांगली, आणि कोल्हापुरात मुसळधार पाऊस कोसळत आहे.ऐन दिवाळीच्या सणासुदीच्या काळात पावसाची उघडीप मिळण्याची शक्यता हवामान खात्यानं वर्तवली आहे. 

Edited By - Priya Dixit