महाराष्ट्र हवामान अपडेट: विदर्भात उष्णतेची लाट तर २४ जिल्ह्यांमध्ये मेघगर्जनेसह पाऊस

भारतीय हवामान विभागाने अनेक जिल्ह्यांमध्ये मेघगर्जनेसह पावसासाठी यलो अलर्ट जारी केला आहे. काही भागांमध्ये तीव्र उष्णतेची लाट राहील.

महाराष्ट्रातील काही भागांमध्ये हवामान नुकतेच बदलले होते, ज्यामुळे उष्णतेपासून दिलासा मिळाला होता, परंतु आता पुन्हा एकदा उष्णता आणि दमटपणाचा काळ सुरू झाला आहे. भारतीय हवामान विभागनुसार ३ जून रोजी महाराष्ट्राच्या विविध भागांमध्ये मिश्र हवामान राहील. कमाल तापमानात किंचित घट होईल, तर किनारपट्टी भागातील लोकांना दमट उष्णतेचा त्रास होऊ शकतो.

हवामान विभागाच्या अंदाजानुसार, कोकण आणि गोवा प्रदेशातील कमाल तापमान पुढील दोन दिवसांत १ ते २ अंश सेल्सिअसने हळूहळू कमी होण्याची शक्यता आहे. तथापि, ३ जून रोजी उत्तर कोकणाच्या अनेक भागांमध्ये उष्ण आणि दमट हवामान कायम राहील.  

हवामान विभागाने ३ जूनसाठी राज्यातील अनेक जिल्ह्यांकरिता यलो अलर्ट जारी केला आहे. पालघर, ठाणे, मुंबई आणि रायगडमध्ये उष्ण आणि दमट हवामानाची शक्यता आहे. दुपार किंवा संध्याकाळी हलका पाऊस किंवा मेघगर्जनेसह पावसाची शक्यता आहे.

या जिल्ह्यांमध्ये पावसाची शक्यता
हवामान विभागाने रत्नागिरी, सिंधुदुर्ग, नाशिक, अहिल्यानगर, पुणे, कोल्हापूर, सातारा, छत्रपती संभाजीनगर, बीड, लातूर आणि धाराशिव जिल्ह्यांतील काही भागांमध्ये विजांच्या कडकडाटासह मेघगर्जना, हलका पाऊस आणि ताशी ४०-५० किमी वेगाच्या सोसाट्याच्या वाऱ्याचा अंदाज वर्तवला आहे. नांदेड, हिंगोली, परभणी, जालना, सोलापूर, सांगली, जळगाव, नंदुरबार आणि धुळे येथेही हलका पाऊस आणि मेघगर्जनेसह पावसाची शक्यता आहे.

तसेच विदर्भातील नागपूर, भंडारा, चंद्रपूर, गडचिरोली, गोंदिया, वर्धा आणि यवतमाळ जिल्ह्यांमध्ये विजांच्या कडकडाटासह हलका पाऊस आणि ताशी ४०-५० किमी वेगाच्या सोसाट्याच्या वाऱ्याची शक्यता आहे.

Edited By- Dhanashri Naik