suvichar

Select Your Language

Notifications

webdunia
webdunia
webdunia
webdunia

महाराष्ट्र टीईटी परीक्षा पुढील वर्षापासून ऑनलाइन होणार, पेपरफुटीनंतर फेरपरीक्षा विनाशुल्क होणार

exam
महाराष्ट्र टीईटी परीक्षेचा पेपर फुटल्यामुळे २८ जूनला होणारी परीक्षा रद्द करण्यात आली. यानंतर शिक्षण मंत्री दादा भुसे यांनी मोठी घोषणा केली आहे. 
 
मिळालेल्या माहितीनुसार महाराष्ट्र शिक्षक पात्रता परीक्षा (MAHA TET) पेपरफुटीनंतर राज्य सरकारने पुढील वर्षापासून ही परीक्षा पूर्णपणे ऑनलाइन पद्धतीने घेण्याचा मोठा निर्णय घेतला आहे. तसेच २८ जून २०२६ रोजी होणारा पेपर लीक झाल्यामुळे परीक्षा  स्थगित करण्यात आली, आता माहिती समोर आली आहे की, उमेदवारांना मोठा दिलासा देत शालेय शिक्षण मंत्री दादा भुसे यांनी विधिमंडळात जाहीर केले की विद्यार्थ्यांकडून फेरपरीक्षेसाठी कोणतेही अतिरिक्त शुल्क आकारले जाणार नाही.
तसेच टीईटीची फेरपरीक्षा विनाशुल्क घेण्यात येईल. उमेदवारांना नव्याने फॉर्म भरावा लागणार नाही. भिवंडी येथे पेपर फुटल्याचे संकेत मिळाल्याने एक दिवस आधी रद्द करण्यात आली. पेपरफुटी प्रकरणात विशेष तपास पथक (SIT) नेमण्यात आले असून, आरोपींवर MCOCA लागू करण्यात येणार आहे. काही आरोपींना अटक झाली आहे. अशी माहिती समोर आली आहे. 
 
माहितीनुसार महाराष्ट्रात आता परीक्षांबाबत महत्त्वाचे निर्णय घेण्यात आले असून काही महत्वाच्या घोषणा करण्यात आल्या आहे. पुढील वर्षापासून टीईटीसह सर्वच सरकारी परीक्षा पूर्णपणे पारदर्शक पद्धतीने ऑनलाइन घेतल्या जातील. वारंवार होणाऱ्या अशा पेपरफुटीच्या घटनांना आळा घालण्यासाठी आणि परीक्षांमध्ये संपूर्ण पारदर्शकता आणण्यासाठी सरकारने हे पाऊल उचलले आहे.
रद्द झालेल्या परीक्षेसाठी उमेदवारांना पुन्हा नोंदणी करण्याची किंवा नवीन शुल्क भरण्याची गरज नाही. तसेच परीक्षा ऑनलाइन करण्यासाठी आवश्यक पायाभूत सुविधा निर्माण करण्याकरिता मुख्य सचिवांच्या अध्यक्षतेखाली एक उच्चस्तरीय समिती स्थापन केली जाईल.  पुढील २ ते ३ दिवसांत परीक्षेची नवीन तारीख अधिकृत संकेतस्थळावर जाहीर केली जाईल आणि ही परीक्षा ३७ शहरांमधील १०२८ केंद्रांवर पुन्हा नव्याने होईल.
Edited By- Dhanashri Naik

Share this Story:

Follow Webdunia marathi

पुढील लेख

LIVE: ठाण्यात उपमुख्यमंत्री एकनाथ शिंदे यांनी ३०० कुटुंबांना नवीन घरांच्या चाव्या सुपूर्द केल्या