Publish Date: Wed, 05 Aug 2026 (10:09 IST)
Updated Date: Wed, 05 Aug 2026 (10:11 IST)
महाराष्ट्रातील रेजिडेंट डॉक्टरांनी ५ ऑगस्टपासून अनिश्चित काळासाठी संपाची घोषणा केली आहे. या संपादरम्यान राज्यभरातील सरकारी रुग्णालयांमधील ओपीडी सेवा बंद राहणार आहे.
मिळालेल्या माहितीनुसार महाराष्ट्र वैद्यकीय परिषदेकडे होमिओपॅथी डॉक्टरांना नोंदणी देण्याच्या राज्य सरकारच्या प्रस्तावाच्या निषेधार्थ, महाराष्ट्र असोसिएशन ऑफ रेजिडेंट डॉक्टर्सने मंगळवारी ४ ऑगस्टच्या मध्यरात्रीपासून राज्यव्यापी अनिश्चित काळासाठी संपाची घोषणा केली आहे. एमएमसीने ३० जून रोजी एक अधिसूचना जारी केली होती, ज्यानुसार होमिओपॅथी डॉक्टरांना सहा महिन्यांचा 'सर्टिफिकेट कोर्स इन मॉडर्न फार्माकोलॉजी' (सीसीएमपी) पूर्ण केल्यानंतर आधुनिक औषधे लिहून देण्याची परवानगी देण्यात आली आहे.
रुग्णांची सुरक्षा लक्षात घेता, संपाच्या पहिल्या २४ तासांत सर्व जिल्ह्यांतील सरकारी वैद्यकीय महाविद्यालये आणि रुग्णालयांमध्ये आपत्कालीन आणि अपघात सेवा सुरू राहतील, परंतु बाह्यरुग्ण सेवा, नियमित कामकाज आणि शैक्षणिक उपक्रम होणार नाहीत, असे मार्दने एका निवेदनात म्हटले आहे.
Edited By- Dhanashri Naik
