ऑपरेशन टायगरला प्रत्युत्तर म्हणून आता 'ऑपरेशन तुडवा' सुरु करणार असे म्हणत- संजय राऊत संतापले

महाराष्ट्राच्या राजकारणातून एक मोठी बातमी समोर येत आहे. संजय राऊत यांनी बंडखोरांविरोधात 'ऑपरेशन तुडवा'ची घोषणा केली.  

'ऑपरेशन टायगर' आणि खासदारांच्या बंडामुळे महाराष्ट्राच्या राजकारणाला बसलेल्या मोठ्या धक्क्यांनंतर, शिवसेनेचे (उद्धव ठाकरे) मुख्य रणनीतिकार आणि राज्यसभा खासदार संजय राऊत यांनी महायुतीविरोधात एका नव्या आणि आक्रमक प्रति-मोहिमेची घोषणा केली आहे. राजकीय वर्तुळात 'ऑपरेशन वुल्फ'बद्दल चर्चा आधीच सुरू होती पण आता राऊत यांनी बंडखोरांना प्रत्युत्तर देण्यासाठी 'ऑपरेशन तुडवा' ची घोषणा केली आहे.

ठाकरे गटातील सहा लोकसभा खासदारांच्या बंडाळी आणि एकनाथ शिंदे यांच्या शिवसेनेतील विलीनीकरणासंदर्भातील अधिकृत घडामोडींनंतर, संजय राऊत यांनी आता 'ऑपरेशन तुडवा'' सुरू करण्याचा धाडसी दावा केला आहे. राऊत यांनी स्पष्टपणे म्हटले आहे की, ज्या बंडखोर खासदारांनी त्यांचा विश्वासघात केला, त्यांच्या विरोधात खरा खेळ आता सुरू होणार आहे. दिल्लीपासून मुंबईपर्यंत झालेल्या या प्रचंड गदारोळात, उद्धव ठाकरे गटाने हे स्पष्ट केले आहे की, ते हा राजकीय विश्वासघात इतक्या सहजपणे खपवून घेणार नाहीत.

पक्षादेश झुगारून दिल्लीत स्वतंत्र गट स्थापन करून शिंदे सेनेत सामील झालेल्या सहा बंडखोर खासदारांवर टीका करताना संजय राऊत म्हणाले, "आमचे सहा प्यादे मोडण्यासाठी 'ऑपरेशन टायगर' सुरू करून विरोधकांनी डाव जिंकला आहे, असे त्यांना वाटते. पण ते हे विसरले आहे की शिवसेनेची (यूबीटी) मुळे महाराष्ट्रातील जनतेच्या हृदयात रुजलेली आहे. आता आम्ही त्यांच्या या चक्रव्यूहाला आमच्या 'ऑपरेशन तुडवा'ने प्रत्युत्तर देऊ. 

Edited By- Dhanashri Naik