कल्याण जवळ टिटवाळा येथे रिजेन्सी कॉम्प्लेक्स मध्ये भटक्या कुत्र्यांनी रस्त्यातून जात असलेल्या एका वृद्ध महिलेवर हल्ला केला आणि तिला ओढून नेले. ही संपूर्ण घटना सीसीटीव्ही केमेऱ्यात कैद झाली आहे.
कधी कुत्रे महिलेचे हात-पाय फाडत आहेत तर कधी तिचे कपडे फाडत असल्याचे व्हिडिओमध्ये स्पष्टपणे दिसत आहे. ती त्यांच्या तावडीतून निसटत आहे. वेळोवेळी ती कशीतरी स्वत:वर नियंत्रण ठेवते आणि मग कुत्रे तिच्यावर झडप घालतात. व्हिडिओच्या शेवटी काही लोक येऊन महिलेला वाचवताना दिसत आहेत.
या हल्ल्यात महिला गंभीर जखमी झाली असून तिला उपचारासाठी रुग्णालयात दाखल करण्यात आले आहे. या घटनेनंतर परिसरात भीतीचे वातावरण निर्माण झाले असून, अधिक तपास संबंधित अधिकारी करत आहेत.
