बडनेराचे आमदार रवी राणा यांना मोबाईलवरून ठार मारण्याची धमकी देण्यात आली आहे. याप्रकरणी आमदार रवी राणा यांचे खासगी सचिव विनोद गुहे यांनी राजापेठ पोलीस ठाण्यात फिर्याद दिली आहे.
विनोद गुहे यांनी पोलिसात दिलेल्या तक्रारीत म्हटले आहे की, गेल्या आठ ते दहा दिवसांपासून रवी राणा यांच्या मोबाईलवर एका क्रमांकावरून फोन येत आहेत. यामध्ये अज्ञात आरोपीने उद्धव ठाकरेंबद्दल एकही शब्द उच्चारल्यास रवी राणा यांना पिस्तूल आणि चाकूने ठार मारण्याची धमकी दिली आहे. सध्या रवी राणा हे नागपूर येथे विधिमंडळाच्या अधिवेशनदरम्यान कामकाजात व्यस्त आहेत. गेल्या १८ आणि १९ डिसेंबर रोजी रवी राणा हे अमरावती येथे होते, त्यावेळी देखील अज्ञात व्यक्तीने धमक्या दिल्या आहेत. आमदार रवी राणा यांनी या धमकी देणाऱ्या व्यक्तीची चौकशी करून अटक करण्याची मागणी गुहे यांनी केली आहे.
Edited by: Ratnadeep Ranshoor
