मुख्यमंत्री उद्धव ठाकरे यांच्या कोकण दौऱ्यात बारसू येथे जाहीर सभा घेण्याबाबतची परवानगी पोलिसांनी नाकारली आहे. यामुळे त्यांना बारसू येथे केवळ ग्रामस्थांची भेट घेऊनच माघारी परतावं लागणार आहे.
कोकणातील बारसू रिफायनरीसंदर्भातील वादाच्या पार्श्वभूमीवर माजी मुख्यमंत्री उद्धव ठाकरे हे आज (6 मे) येथील नागरिकांची भेट घेणार आहेत.
मात्र या दौऱ्यात उद्धव ठाकरे यांना जाहीर सभा घेता येऊ शकणार नाही, असं पोलिसांनी म्हटलं. दरम्यान, प्रकल्पाच्या समर्थनार्थ विविध संघटनांनी आयोजित केलेल्या मोर्चालाही पोलिसांनी परवानगी नाकारली आहे.
मुंबईतील महाविकास आघाडीच्या वज्रमूठ सभेत उद्धव ठाकरे यांनी रत्नागिरी दौऱ्याची घोषणा केली होती. यादरम्यान येथे जाहीर सभा घेण्याचा त्यांचा मानस होता.
सभेची परवानगी नसल्याने उद्धव ठाकरे यांचा कार्यक्रम बदलण्यात आला असून ते सकाळी 10 वाजता साखरकोंभ येथे हेलिकॉप्टरने पोहोचतील. त्यानंतर ते बारसू येथील कातळशिल्पांना भेट देऊन गिरमादेवी येथे ग्रामस्थांशी संवाद साधतील. यानंतर येथे पत्रकार परिषद घेऊन ते दुपारी महाडच्या दिशेने रवाना होणार आहेत. ही बातमी महाराष्ट्र टाईम्सने दिली.
Published By -Smita Joshi
