देशभरात लोकसभेच्या 3 आणि विधानसभेच्या 29 जागांसाठी शनिवारी मतदान होत आहे. 13 राज्यांसह दादरा नगर हवेली या केंद्रशासित प्रदेशातील जागांसाठी या निवडणुका होत आहे.
लोकसभेच्या तीन जागा हिमाचल प्रदेशमधील मंडी, मध्य प्रदेशातील खांडवा आणि दादरा आणि नगर हवेली या आहेत. या तिन्ही ठिकाणी खासदारांच्या मृत्यूमुळं जागा रिक्त आहेत.
तर विधानसभेच्या जागांचा विचार करता आसामध्ये पाच, पश्चिम बंगालमध्ये चार तर मध्य प्रदेश, हिमाचल प्रदेश आणि मेघालयात प्रत्येकी तीन जागांवर मतदान होत आहे.
महाराष्ट्रात विधानसभेच्या एका जागेसाठी मतदान होत आहे. नांदेड जिल्ह्यातील देगलूर-बिलोली मतदारसंघात ही निवडणूक होत आहे. दरम्यान मंगळवारी या पोटनिवडणुकांचा निकाल लागेल.
