Thane News : महाराष्ट्रातील ठाण्यामध्ये एका गृहनिर्माण सोसायटीबाहेर रविवारी दुपारी एका ३८ वर्षीय महिलेचा मृतदेह झाडाला लटकलेल्या अवस्थेत आढळला. ती मूळची नेपाळची होती अशी माहिती समोर आली आहे. तसेच २० दिवसांपूर्वीच ठाण्यात आली होती. तिचा नवरा जवळच्या इमारतीत चौकीदार म्हणून काम करतो. ठाण्यातील अल्मेडा सिग्नल येथील गोल्डन हाऊस सोसायटीजवळ ही घटना घडली.
पोलिसांनी सांगितले की, स्थानिकांकडून घटनेची माहिती मिळाल्यानंतर ते घटनास्थळी पोहोचले. व मृतदेह ताब्यात घेतला आणि तो पोस्टमॉर्टेमसाठी पाठवला. नौपाडा पोलिस ठाण्यातील पोलिस अधिकाऱ्यांनी सांगितले की, जवळच्या सोसायटीतील सीसीटीव्ही फुटेज तपासल्यानंतर नौपाडा पोलिस ठाण्यात अपघाती मृत्यू अहवाल नोंदवण्यात आला आहे आणि या प्रकरणाचा पुढील तपास सुरू आहे.
Edited By- Dhanashri Naik
