टोकियो पॅरालिम्पिकमध्ये भारताच्या अवनी लेखराने आणखी एका पदकाची कमाई केली आहे. 50 मीटर एअर रायफल प्रकारात तिनं कांस्य पदक जिंकलं आहे. याआधी अवनीने 10 मीटर एअर रायफलमध्ये सुवर्ण पदक जिंकत इतिहास रचला आहे.
19 वर्षीय अवनी प्ररालिम्पिकमध्ये सुवर्ण पदक मिळवणारी पहिली भारतीय महिला आहे. अवनीने संयम राखत 249.6 पॉईंटसह विश्व विक्रमाची बरोबरी केली आणि पदकही जिंकलं आहे.
चीनच्या कुइपिंग झांगने 248.9 पॉईंट मिळवत रजत पदक जिकलं आणि यूक्रेनच्या इरियाना शेकेत्निकने कांस्य पदक जिंकलं.
अवनी लेखराने सामन्याची सुरुवात वेगवान केली. तिने 10 पॉईंटसह आपल्या खेळात सातत्य राखलं.
स्पर्धेच्या पहिल्या फेरीत केवळ दोन वेळेला अवनीला 10 पॉईंटपेक्षा कमी स्कोअर करता आला. यामुळे ती पहल्या फेरीत दुसऱ्या क्रमांकावर होती.
नॉक आऊट राऊंडमध्ये अवनी अव्वल राहिली आणि तिने आपल्या प्रतिस्पर्ध्यांवर चांगली मात केली. अखेर 249.6 पॉईंटसह अवनीने सामना जिंकला.
यापूर्वी पात्रता फेरीत 621.7 स्कोर करत अवनी सातव्या क्रमांकावर राहिली.
