माद्रिद ओपन : १९ वर्षीय स्पेनच्या कार्लोस अल्काराझने जागतिक क्रमवारीतील अव्वल टेनिसपटू नोव्हाक जोकोविचचा पराभव करत माद्रिद ओपन टेनिसच्या अंतिम फेरीत आपले स्थान निश्चित केले. याच स्पर्धेत राफेल नदाल आणि जोकोविच यांना पराभूत करणारा पहिला खेळाडू बनून अल्कारेझने इतिहासही रचला. पाच आठवड्यांतील त्याच्या दुसऱ्या एटीपी मास्टर्स फायनलमध्ये, अल्कारेझने सध्याचा जागतिक क्रमवारीत नंबर वन नोव्हाक जोकोविचचा ६-७ (५/७), ७-५, ७-६ (७/५) असा पराभव केला. स्पॅनिश खेळाडूचा जोकोविचविरुद्धचा आतापर्यंतचा हा पहिला विजय आहे.
अल्कारेझने या मोसमातील टॉप-१० खेळाडूंपैकी सात खेळाडूंविरुद्ध विजयाची नोंद केली आहे. आता माद्रिद ओपनच्या अंतिम फेरीत अल्कारेझचा सामना गतविजेता अलेक्झांडर झ्वेरेव्हशी होणार आहे. झ्वेरेव गेल्या नऊ सामन्यांपासून सलग विजय मिळवत आहे. अल्कारेझ १७ वर्षांच्या इतिहासात जगातील नंबर वन खेळाडूला पराभूत करणारा पहिला खेळाडू ठरला आहे.
दुसर्‍या उपांत्य फेरीत, झ्वेरेवने जागतिक क्रमवारीत पाचव्या क्रमांकावर असलेल्या इजिप्तच्या स्टेफानोस त्सित्सिपासचा ६-४, ३-६, ६-२ असा पराभव करून तिसऱ्यांदा माद्रिद ओपनच्या अंतिम फेरीत आपले स्थान निश्चित केले. जर्मनीच्या झ्वेरेव्हने यापूर्वी २०१८ आणि २०२१ मध्ये माद्रिद ओपनचे विजेतेपद पटकावले आहे. अल्कारेझविरुद्धचे दोन्ही सामने त्याने जिंकले आहेत.
