भारताच्या एस.एल. नारायणनने पेरूच्या स्टीवन रोजासचा पराभव करून 2025च्या बुद्धिबळ विश्वचषकाच्या दुसऱ्या फेरीत प्रवेश केला. टायब्रेकरद्वारे 128 व्या फेरीत पोहोचणारा तो पहिला बिगरमानांकित खेळाडू ठरला. त्याने पेरुव्हियन ग्रँडमास्टर स्टीवन रोजासचा 3-1 असा पराभव केला.
पहिले दोन सामने बरोबरीत सोडल्यानंतर, त्याने शानदार खेळ केला आणि दोन सामने जिंकले. आता त्याचा सामना इंग्लंडच्या निकिता विट्युगोव्हशी होईल. त्याच्यानंतर भारताच्या दिप्तयन घोषने चीनच्या पेंग झिओंगजियानविरुद्ध दोन्ही टायब्रेकर सामने जिंकून पात्रता मिळवली. दुसऱ्या फेरीत तो अमेरिकेच्या इयान नेपोम्नियाच्चीचा सामना करेल.
व्ही प्रणवने अल्जेरियाच्या अला एडिन बोलेरेन्सचा 2-0, रौनक साधवानीने डॅनियल बॅरिशचा 1.5-0.5, एम प्रणेशने सातबेक अखमेदिनोव्हचा 1.5-0.5 असा पराभव केला.
विश्वचषकातील एकमेव महिला खेळाडू ग्रँडमास्टर दिव्या देशमुख पहिल्या फेरीत पराभव पत्करून बाहेर पडली. तिने तिचे दोन्ही सामने पहिल्या फेरीत ग्रीसच्या ग्रँडमास्टर स्टॅमॅटिस कौरकौलोस-आर्डिटिसकडून गमावले आणि ती बाहेर पडली. इतर अव्वल भारतीय खेळाडू डी. गुकेश, आर. प्रज्ञानंद, अर्जुन एरिगैसी, विदित गुजराती यांना पहिल्या फेरीत बाय मिळाला. ते पुढील फेरीत खेळताना दिसतील.
