ISSF विश्वचषकात भारताने सात पदके जिंकली, ज्यात दोन सुवर्ण, चार रौप्य आणि एक कांस्यपदक आहे

भारतीय नेमबाजांनी ISFF मध्ये दोन सुवर्ण, चार रौप्य आणि एक कांस्यपदक असे एकूण सात पदके जिंकली. भारतीय नेमबाज सिमरनप्रीत कौर ब्रारने महिलांच्या 25 मीटर पिस्तूल स्पर्धेत रौप्य पदक जिंकून तिचे पहिले वरिष्ठ आंतरराष्ट्रीय पदक जिंकले, तर पॅरिस ऑलिंपिक पदक विजेती मनू भाकर सोमवारी स्पर्धेत 22 हिट्ससह चौथ्या स्थानावर राहिली आणि पदक गमावले.

शूटिंग फायनलमध्ये सिमरनप्रीतने 33 हिट्ससह दुसरे स्थान पटकावले. चीनच्या सन युजीने 34 हिट्ससह सुवर्णपदक जिंकले आणि याओ कियानशूनने 29 हिट्ससह कांस्यपदक जिंकले. मनू भाकरने पात्रता फेरीत 585 गुणांसह दुसरे स्थान पटकावले. सिमरनप्रीतने 580 गुणांसह पाचवे आणि ईशा सिंगने 575 गुणांसह आठवे स्थान पटकावले. तर ईशा सिंग 17गुणांसह सहाव्या स्थानावर राहिली.

<

Simranpreet Kaur Brar added another medal???? to India's???????? tally at the #ISSF World Cup 2025 in Lima, Peru????????, bagging a Silver in the Women's 25m Pistol Rapid Fire. She shot 33 in the final to secure the 2nd place.

Tremendous effort & precision under pressure!????????#IndianShooting… pic.twitter.com/DfaHOhc9eS

— SAI Media (@Media_SAI) April 22, 2025 >

सौरभ चौधरी/सुरुची सिंग यांनी 10 मीटर एअर पिस्तूल मिश्र सांघिक स्पर्धेत सुवर्णपदक जिंकले, सुरुची सिंग यांनी महिलांच्या 10 मीटर एअर पिस्तूलमध्ये सुवर्णपदक जिंकले. मनू भाकर यांनी महिलांच्या 10 मीटर एअर पिस्तूलमध्ये रौप्यपदक जिंकले, सिमरनप्रीत कौर यांनी महिलांच्या 25 मीटर पिस्तूलमध्ये रौप्यपदक जिंकले.

रुद्राक्ष पाटील/आर्या बोरसे यांनी 10 मीटर एअर रायफल मिश्र सांघिक स्पर्धेत रौप्यपदक जिंकले. अर्जुन बाबुता यांनी पुरुषांच्या 10 मीटर एअर रायफलमध्ये रौप्यपदक जिंकले आणि सौरभ चौधरी यांनी पुरुषांच्या 10 मीटर एअर पिस्तूलमध्ये कांस्यपदक जिंकले.

आयएसएसएफ विश्वचषकात भारताने दोन सुवर्ण, चार रौप्य आणि एक कांस्यपदक जिंकून पदकतालिकेत तिसरे स्थान पटकावले. या स्पर्धेत चीनने पहिले आणि अमेरिका दुसऱ्या क्रमांकावर राहिली. अर्जेंटिनातील ब्यूनस आयर्स येथे झालेल्या पहिल्या विश्वचषकात भारताने आठ पदके जिंकली होती हे उल्लेखनीय आहे.

Edited By - Priya Dixit