हॉकी इंडियाने गुरुवारी 7 जूनपासून नेदरलँड्समधील अ‍ॅमस्टेलवीन आणि बेल्जियममधील अँटवर्प येथे खेळल्या जाणाऱ्या FIH हॉकी प्रो लीगच्या युरोपियन लेगसाठी 24 सदस्यीय भारतीय पुरुष संघाची घोषणा केली. भारतीय संघ 7 आणि 9 जून रोजी नेदरलँड्सविरुद्धच्या दोन सामन्यांनी युरोपियन लेगची सुरुवात करेल. त्यानंतर 11 आणि 12 जून रोजी अ‍ॅमस्टेलवीनमध्ये अर्जेंटिनाविरुद्ध डबल हेडर मारेल
त्यानंतर संघ 14 आणि 15 जून रोजी ऑस्ट्रेलियाचा सामना करण्यासाठी अँटवर्पला जाईल आणि 21आणि 22 जून रोजी यजमान बेल्जियमविरुद्धच्या सामन्यांसह त्यांच्या मोहिमेचा शेवट करेल. भारताने या वर्षाच्या सुरुवातीला भुवनेश्वर येथे प्रो लीगचा होम लेग खेळला होता ज्यामध्ये संघाने आठ सामन्यांपैकी पाच विजयांसह 15गुण मिळवले होते आणि आता ते गुणतालिकेत तिसऱ्या स्थानावर आहेत.
मुख्य प्रशिक्षक क्रेग फुल्टन म्हणाले, 'आम्हाला यावेळी संघात थोडा अधिक अनुभव हवा होता आणि मी संघ निवडीबद्दल खूप आनंदी आहे. संघ चांगला सराव करत आहे आणि आम्ही शक्य तितके प्रयत्न करत आहोत आणि प्रो लीग जिंकण्याचा प्रयत्न करत आहोत. विश्वचषकासाठी पात्रता धोक्यात आहे, त्यामुळे आम्हाला शक्य तितके गुण मिळवून स्वतःला चांगल्या स्थितीत आणण्याचा प्रयत्न करायचा आहे.
भुवनेश्वर लेगपासून भारताने त्यांचा संघ 32 वरून 24 सदस्यांपर्यंत कमी केला आहे. संघात निवड न झालेल्या खेळाडूंमध्ये डिफेंडर वरुण कुमार, मिडफिल्डर मोइरंगथेम रबीचंद्र सिंग आणि फॉरवर्ड बॉबी सिंग धामी, अरिजीत सिंग हुंडल, उत्तम सिंग, अंगद बीर सिंग आणि अर्शदीप यांचा समावेश आहे.
संघ पुढीलप्रमाणे आहे
गोलकीपर: कृष्ण बहादूर पाठक, सूरज करकेरा.
बचावपटू: सुमित, अमित रोहिदास, जुगराज सिंग, नीलम संजीप जेस, हरमनप्रीत सिंग, जर्मनप्रीत सिंग, संजय आणि यशदीप सिवाच.
मिडफिल्डर: राज कुमार पाल, नीलकांत शर्मा, हार्दिक सिंग, राजिंदर सिंग, मनप्रीत सिंग, विवेक सागर प्रसाद, समशेर सिंग.
फॉरवर्डः गुरजंत सिंग, अभिषेक, शिलानंद लाक्रा, मनदीप सिंग, ललित कुमार उपाध्याय, दिलप्रीत सिंग, सुखजित सिंग.
