रोहतकमधील लखन माजरा गावात कोर्टवर बास्केटबॉल सराव करताना एक मोठा अपघात झाला. सराव करणाऱ्या हार्दिकवर एक खांब पडला, ज्यामुळे त्याचा मृत्यू झाला. या घटनेचे सीसीटीव्ही फुटेजही समोर आले आहे.
वृत्तानुसार, सोळा वर्षांचा राष्ट्रीय स्तरावरील बास्केटबॉल खेळाडू सकाळी दहा वाजता गावातील खेळाच्या मैदानातील बास्केटबॉल कोर्टवर एकटाच सराव करत होता.सराव करताना तो खांबाला लटकवण्याचा प्रयत्न करत असताना लोखण्डी खांब अंगावर पडून जखमी झाला. जवळच सर्व करणाऱ्या इतर खेळाडूंनी त्याला बाहेर काढून खांबातून बाहेर काढून रुग्णालयात नेले. उपचाराधीन असता त्याचा मृत्यू झाला. हार्दिक असे या मृत खेळाडूचे नाव होते. तो अवघ्या 16 वर्षाचा होता.
हार्दिकने कांगडा येथे झालेल्या 47 व्या सब-ज्युनियर राष्ट्रीय बास्केटबॉल स्पर्धेत रौप्य, हैदराबाद येथे झालेल्या 49 व्या सब-ज्युनियर राष्ट्रीय बास्केटबॉल स्पर्धेत कांस्य आणि पुद्दुचेरी येथे झालेल्या 39 व्या युवा राष्ट्रीय बास्केटबॉल स्पर्धेत कांस्यपदक जिंकले. त्याच्या आकस्मिक निधनामुळे त्याच्या कुटुंबावर शोककळा पसरली आहे.
