फुटबॉल विश्वात शोककळा; दिग्गज खेळाडूने कार अपघातात निधन

फुटबॉल जगतात शोककळा पसरली, दिग्गज खेळाडूने कार अपघातात प्राण गमावले आहे. 

मिळालेल्या माहितीनुसार ३ जुलै २०२५ रोजी पोर्तुगालचा प्रसिद्ध फुटबॉलपटू आणि लिव्हरपूलचा स्टार खेळाडू डिओगो जोटा याचे एका गंभीर कार अपघातात निधन झाले. ही दुर्घटना स्पेनमध्ये घडली. या अपघातात त्याचा भाऊ यांचेही निधन झाले  आहे. ही बातमी फुटबॉल जगतासाठी आणि त्याच्या चाहत्यांसाठी खूप मोठा धक्का ठरली आहे. 

डिओगो जोटा हा एक प्रतिभावान आणि प्रसिद्ध पोर्तुगीज फुटबॉलपटू होता. त्याने लिव्हरपूल क्लबकडून खेळताना आपल्या कौशल्याने आणि कठोर परिश्रमाने फुटबॉल प्रेमींची मने जिंकली. राष्ट्रीय स्तरावरही त्याने सुमारे ५० सामने खेळले होते आणि तो पोर्तुगाल राष्ट्रीय संघासाठी एक महत्त्वाचा खेळाडू होता. त्याच्यासोबत खेळणे हा सर्व खेळाडूंसाठी सन्मान मानला जात असे. त्याचे व्यक्तिमत्व केवळ खेळाच्या मैदानावरच नव्हे तर मैदानाबाहेरही खूप आनंदी आणि मैत्रीपूर्ण होते.  

पोर्तुगाल फुटबॉल फेडरेशनची प्रतिक्रिया

पोर्तुगाल फुटबॉल फेडरेशनने सोशल मीडियावर या घटनेची पुष्टी केली आणि म्हटले की या दुःखद घटनेने संपूर्ण पोर्तुगीज फुटबॉल समुदायाला धक्का बसला आहे. फेडरेशनने डिओगो जोटा आणि त्यांच्या भावाला श्रद्धांजली वाहिली आणि म्हटले की ते केवळ एक महान खेळाडूच नव्हते तर एक असाधारण माणूस देखील होते. फेडरेशनने म्हटले आहे की हे नुकसान शब्दात व्यक्त करणे कठीण आहे, परंतु फुटबॉल कुटुंब त्यांचे योगदान नेहमीच लक्षात ठेवेल. ही बातमी समोर आल्यानंतर फुटबॉल जगतात शोककळा पसरली आहे.  

Edited By- Dhanashri Naik