भारतीय पैलवान रवी दहियाचा टोकिओ ऑलिम्पिकच्या अंतिम फेरीत पराभव झाला आहे. त्यामुळे रवी दहियाला रौप्यपदकावर समाधान मानावे लागले आहे.
रशियन पैलवान झावूरला सुवर्णपदक मिळाले आहे.
कुस्तीपटू रवी कुमार दहियाने भारतासाठी टोकियो ऑलिम्पिकमध्ये पाचवं पदक पटकावलं आहे. 57 किलो वजनी गटात कझाकिस्तानच्या नुरिस्लाम सनायेववर मात करत अंतिम फेरी गाठलेल्या रवीला रशियाच्या झावूर उगेव्हने 7-4ने पराभूत केला.
काल रवी दहियाने 57 किलो वजनी गटात कझाकिस्तानच्या नुरिस्लाम सनायेववर मात करत अंतिम फेरी गाठली होती.
पहिल्या फेरीत रवी कुमारने दोन गुणांची आघाडी घेतली मात्र त्यानंतर सनायेवने रवीला चीतपट करत थेट आठ गुणांची कमाई केली. या धक्क्यातून रवीने एक गुण कमावला.
रवीने तीन गुणांची कमाई करत पिछाडी भरून काढण्याचा प्रयत्न केला. सनायेवच्या पायाला दुखापत झाल्याने त्याच्यावर उपचार करण्यात आले. यानंतर रवीने सनायेवला चीतपट करत बाजी मारली.
