फेडररचे यशस्वी पुनरागमन

मेलबर्न- येथे सुरू असलेल्या हॉपमन चषक टेनिस स्पर्धेत स्वित्झर्लडच्या रॉजर फेडररचे यशस्वी पुनरागमन झाले आहे. तब्बल सहा महिन्यानंतर टेनिस क्षेत्रात पुनरागमन करणार्‍या फेडररने अलीकडे झालेल्या सामन्यात ब्रिटनच्या डॅन इव्हान्सचा 6-3, 6-4 असा पराभव केला. या विजयामुळे स्वित्झर्लडने ब्रिटनवर 1-0 अशी आघाडी मिळविली आहे.

ही स्पर्धा मिश्र सांघिक पद्धतीने खे‍ळविली जाते. 35 वर्षीय फेडररला गेल्या फेब्रुवारीत दुखापत झाली होती. त्याच्या गुडघ्यावर शस्त्रक्रिया करण्यात आली होती. 2012 च्या विंबल्डन स्पर्धेतील जेतेपदानंतर त्याला आजपर्यंत एकही ग्रँडस्लॅम स्पर्धा जिंकता आलेली नाही.