India Tourism : महिला दिन निमित्त तुम्हाला देखील एखाद्या पर्यटनस्थळी भेट द्यावी असे वाटत असेल तर तुम्ही भारतातील हिल स्टेशन्सचा नक्कीच विचार करू शकतात. हे हिल स्टेशन्स महिलांसाठी अगदी सुरक्षित आहे. तसेच आज आपण हिमाचल प्रदेशमधील हिल स्टेशन्स पाहणार आहोत जे महिलांच्या दृष्टीने अगदी सुरक्षित आहे. हिमाचलच्या सुंदर दऱ्याखोऱ्या मनाला अगदी भुरळ घालतात. आल्हादायक वातावरण हे अनेक पर्यटकांना आकर्षित करत असते.
डलहौसी-
समुद्रसपाटीपासून ६ हजार फूटांपेक्षा जास्त उंचीवर असलेले डलहौसी हे हिमाचल प्रदेशातील एक सुंदर आणि सुरक्षित हिल स्टेशन मानले जाते. उंच बर्फाच्छादित पर्वत, घनदाट जंगले आणि तलाव आणि धबधबे डलहौसीचे सौंदर्य वाढवतात. डलहौसी हिल स्टेशन देखील महिलांमध्ये खूप लोकप्रिय मानले जाते. महिला येथे फक्त महिला दिनीच नाही तर इतर दिवशीही फिरण्यासाठी आणि मजा करण्यासाठी येतात.
शिमला-
हिमाचल प्रदेशातील सर्वात सुंदर आणि सुरक्षित हिल स्टेशनचा उल्लेख केला जातो आणि त्यात राजधानी शिमलाचे नाव समाविष्ट नसते हे फार दुर्मिळ आहे. शिमला हे एक असे हिल स्टेशन आहे जिथे देशाच्या कानाकोपऱ्यातून लोक भेट देण्यासाठी आणि मजा करण्यासाठी येतात. शिमलामध्ये तुम्ही जाखू मंदिर, मॉल रोड, कुफरी आणि द रिज सारखी ठिकाणे एक्सप्लोर करू शकता.
कसौली-
हिमाचल प्रदेशातील सोलन जिल्ह्यात स्थित, कसौली हे एक आकर्षक आणि सुरक्षित हिल स्टेशन मानले जाते. हे सुंदर हिल स्टेशन वसाहतवादी काळात ब्रिटीश सरकारने स्थापन केले होते. कसौलीला कधीकधी छोटा शिमला असेही म्हणतात. ढगांनी झाकलेले उंच पर्वत, प्रचंड पाइन वृक्ष आणि तलाव आणि धबधबे कसौलीच्या सौंदर्यात भर घालतात. महिला दिनानिमित्ततुम्ही देखील प्रियजनांसोबत मजा करण्यासाठी येथे येऊ शकतात. कसौलीमध्ये तुम्ही बाबा बालकनाथ मंदिर, क्राइस्ट चर्च आणि मंकी पॉइंट सारखी ठिकाणे एक्सप्लोर करू शकता.
