सेलिब्रिटी मास्टरशेफ' या कुकिंग रिअॅलिटी शोला त्याचा विजेता मिळाला आहे. 'सेलिब्रिटी मास्टरशेफ'च्या पहिल्या सीझनचा ट्रॉफी गौरव खन्नाने जिंकला. अंतिम फेरीत तेजस्वी प्रकाश आणि निक्की तांबोळी यांना हरवून गौरव भारताचा पहिला सेलिब्रिटी मास्टरशेफ बनला.
गौरव खन्ना यांना ट्रॉफीसह 20 लाख रुपये रोख आणि सोनेरी एप्रन बक्षीस म्हणून देण्यात आला. निक्की तांबोळी या शोची पहिली उपविजेती होती, तर तेजस्वी प्रकाश या सीझनमध्ये तिसऱ्या स्थानावर राहिली. मिस्टर फैसू आणि राजीव अदातिया यांची नावेही अंतिम फेरीत समाविष्ट होती, परंतु त्यांना टॉप 3 मध्ये स्थान मिळवता आले नाही.
गौरव खन्नाने 'अनुपमा' या मालिकेत अनुजची भूमिका साकारून प्रत्येक घरात आपली ओळख निर्माण केली आहे. या हंगामात गौरवने त्याच्या स्वयंपाकाच्या कौशल्याने सर्वांचे मन जिंकले. या शोमध्ये शेफ रणवीर बरार, विकास खन्ना आणि फराह खान यांच्याव्यतिरिक्त शेफ संजीव कपूर देखील पाहुणे म्हणून उपस्थित होते.
शोचा विजेता झाल्यानंतर गौरव खन्ना म्हणाला, हे माझ्यासाठी स्वप्नासारखे आहे, या शोने मला माझ्या कम्फर्ट झोनमधून पूर्णपणे बाहेर काढले. या शोचा भाग असणे माझ्यासाठी सन्मानाची गोष्ट आहे, विशेषतः जेव्हा तुम्ही विकास खन्ना आणि रणवीर ब्रार सारख्या दिग्गज शेफसमोर उभे असता. या विजयाबद्दल मी प्रेक्षक आणि चाहत्यांचे आभार मानू इच्छितो.
