ओह माय गॉड म्हणजेच OMG हा अक्षय कुमारच्या उत्कृष्ट चित्रपटांपैकी एक आहे. ज्याचा सिक्वेल बनवण्याची मागणीही जोरात सुरू आहे. सिक्वलच्या प्रतिक्षेत असलेल्या अक्षय कुमारच्या चाहत्यांसाठी एक आनंदाची बातमी आहे. या चित्रपटाचा सीक्वल म्हणजेच OMG 2 लवकरच प्रदर्शित होणार आहे. पण एक ट्विस्ट सह. हा ट्विस्ट पाहून चाहते दोन वेगवेगळ्या मतांमध्ये विभागले गेले आहेत. चित्रपटाशी संबंधित नवा निर्णय चुकीचा असल्याचे काही चाहत्यांना वाटते. तर काहींना हा निर्णय इतर चित्रपटांवरही लागू करावा, असे वाटते.

ज्या चित्रपटाने अक्षय कुमारच्या चित्रपट कारकिर्दीला नवे आयाम दिले, अक्षय कुमारने त्याच चित्रपटाचा भाग 2 चित्रपटगृहात प्रदर्शित न करण्याचा निर्णय घेतला आहे. हा चित्रपट थेट OTT प्लॅटफॉर्मवर प्रदर्शित होणार आहे. पोस्टरच्या रूपात चित्रपटाचा फर्स्ट लूक शेअर करण्यासोबतच ही माहितीही देण्यात आली आहे. ओह माय गॉड 2 लवकरच ओटीटीवर प्रदर्शित होणार असल्याचे चित्रपट तज्ञ क्रिस्टोफर कनागराज यांनी ट्विट केले आहे. हे प्लॅटफॉर्म Voot/Jio सिनेमावर प्रदर्शित केले जाऊ शकते.

Akshay Kumar’s #OhMyGod2 will be Direct OTT Release soon on Voot/Jio Cinema. pic.twitter.com/ybXvXLai4P
— Christopher Kanagaraj (@Chrissuccess) March 16, 2023

हे ट्विट शेअर होताच चाहत्यांनी ते थिएटरमध्ये प्रदर्शित करण्याची मागणी केली. OMG 2 आधीच ट्विटरवर ट्रेंड करत आहे ज्यामध्ये काही चाहत्यांनी कमेंट केली आहे की हा चित्रपट थिएटरसाठी योग्य आहे, थिएटरमध्ये रिलीज करा. अक्षयचा सतत फ्लॉप होत जाणारा चित्रपट पाहून काही चाहत्यांनी लिहिले आहे की आगामी चित्रपट देखील OTT वर प्रदर्शित केले तर बरे होईल.