शहरात आज 337 कोरोनामुक्तांना डिस्चार्ज, 320 नवीन रुग्णांची नोंद

पिंपरी-चिंचवड शहराच्या विविध भागातील 320 नवीन कोरोना बाधित रुग्णांची आज (बुधवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 337 जणांना डिस्चार्ज देण्यात आला.

शहरातील 2 रुग्णांचा आज मृत्यू झाला. आजपर्यंत शहरातील 4 हजार 298 जणांचा कोरोनामुळे मृत्यू झाला. शहरातील 2 लाख 59 हजार 700 जणांना आजपर्यंत कोरोनाची लागण झाली आहे.

सध्या 1 हजार 347 सक्रिय रुग्ण शहरात आहेत. त्यातील 287 रुग्ण गृहविलगीकरणात असून 1 हजार 60 सक्रीय रूग्णांवर महापालिका रुग्णालयामध्ये उपचार सुरू आहेत.

तर, शहरात मेजर कंटेन्मेंट झोन 53 आणि मायक्रो कंटेन्मेंट झोन 453 आहेत. आज दिवसभरात 6 हजार 135 नागरिकांचे लसीकरण झाले आहे. आजपर्यंत 7 लाख 35 हजार 700 जणांनी लस घेतली आहे.