झायडस कॅडिला कोरोना लशीची किंमत कमी करणार

झायडस कॅडिला ही कंपनी कोरोना लशींची किंमत कमी करण्यास तयार झाली आहे. यामुळे कंपनीच्या कोरोना लशीची किंमत प्रती डोस 265 रुपये इतकी असेल.

भारत सरकार आणि कंपनी यामध्ये सातत्यानं झालेल्या वाटाघाटीनंतर ही बाब समोर आली आहे. असं असलं तरी यावर अद्याप शिक्कामोर्तब होणं बाकी आहे.

ऑगस्टमध्ये भारतात झायडस कॅडिला लशीला परवानगी देण्यात आली. ही लस 12 वर्षांवरील मुलांनाही देता येणार आहे. तसंच, झायडस कॅडिलाचे तीन डोस असून, ते इंजेक्शन शिवाय देता येईल.