रात्रंदिवसा देवा तुमची मूर्ती ध्यानात

रात्रंदिवसा देवा तुमची मूर्ती ध्यानात,

त्याचा लागे ना अंत -२

स्वप्नात आले माझ्या गुरुदेवदत्त ।।धृ.।।

दिव्यस्वरूपी सडा टाकत होते अंगणात,

अल्लख म्हणुनी भिक्षा मागत आले दारात,

दत्तगुरूंचे पाऊल उठले माझ्या अंगणात ।।१।।

हो त्याचा लागे ना अंत....-२

भगवी झोळी होती त्यांच्या डाव्या बगलेत,

रुद्राक्षांच्या माळा होत्या त्यांच्या गळ्यात,

कुण्या वाटेने गेले माझे गुरुदेव दत्त ।।२।।

हो त्याचा लागे ना अंत..... -२

श्वानांची फौज होती त्यांच्या संगत,

श्वानांना भाकर टाकत होते भगवंत,

बघा बघा ते अत्रिनंदन आले भजनात ।।३।।

हो त्याचा लागे ना अंत....... -२

भक्तांचा मेळा होता त्यांच्या संगत,

खडावांचा नाद घुमतो माझ्या कानात,

गुरुदेव दत्त मंत्रात ठेवा, ठेवा ध्यानात ।।४।।

हो त्याचा लागे ना अंत........ -२