भूकंपाच्या जोरदार धक्क्यांमुळे अर्जेंटिनाची जमीन हादरली आहे. या भूकंपाची तीव्रता रिश्टर स्केलवर 7.4 इतकी मोजण्यात आली आहे. त्सुनामीचा इशारा जारी करण्यात आला आहे.भूकंपाच्या तीव्र धक्क्यांमुळे लोकांमध्ये भीतीचे वातावरण निर्माण झाले. लोक घराबाहेर पडून मोकळ्या मैदानात जमा झाले.
सर्व्हेनुसार, दक्षिण अर्जेंटिनामधील उशुआइयापासून 219 किलोमीटर दक्षिणेस असलेल्या ड्रेक पॅसेजमध्ये भूकंपाचे धक्के जाणवले. भूकंपानंतर लगेचच त्सुनामीचा इशारा देण्यात आला होता, त्यानंतर अधिकाऱ्यांनी लोकांना किनाऱ्यापासून दूर जाऊन सुरक्षित ठिकाणी स्थलांतर करण्याचे आवाहन केले.
अमेरिकेच्या त्सुनामी इशारा यंत्रणेने भूकंपाच्या केंद्रापासून 300 किलोमीटर अंतरावरील किनारी भागात धोकादायक लाटांचा इशारा दिला आहे. अर्जेंटिना व्यतिरिक्त, चिलीचे काही भाग देखील त्याच्या कक्षेत येतात.
चिलीच्या राष्ट्रीय आपत्ती निवारण आणि प्रतिसाद सेवेने सांगितले की, त्सुनामीच्या धोक्यामुळे देशाच्या दक्षिणेकडील टोकावरील मॅगालेन्स प्रदेशातील किनारी भाग रिकामा करण्यात येत आहे.
