GT vs KKR Playing 11: गुजरातला प्लेऑफ मध्ये जाण्यासाठी केकेआरला पराभूत करण्याचे प्रयत्न, प्लेइंग 11 जाणून घ्या

IPL 2024 चा 63वा सामना गुजरात आणि कोलकाता यांच्यात सोमवार, 13 मे रोजी अहमदाबादच्या नरेंद्र मोदी स्टेडियमवर संध्याकाळी 07.30 वाजता होणार आहे. नाणेफेक संध्याकाळी 07:00 वाजता होईल. 

 कर्णधार शुभमन गिलच्या फॉर्ममध्ये पुनरागमनामुळे प्रोत्साहित झालेल्या गुजरात टायटन्सला प्लेऑफमध्ये पोहोचण्याच्या आपल्या आशा जिवंत ठेवायच्या असतील तर आयपीएल सामन्यात गुणतालिकेत अव्वल स्थानावर असलेल्या कोलकाता नाईट रायडर्सविरुद्ध (केकेआर) सर्वतोपरी प्रयत्न करावे लागतील. 

सध्या सात संघ प्लेऑफच्या शर्यतीत आहेत. राजस्थान रॉयल्स (16) आणि सनरायझर्स हैदराबाद (14) दुसऱ्या आणि तिसऱ्या स्थानावर आहेत. चेन्नई सुपर किंग्ज, दिल्ली कॅपिटल्स आणि लखनऊ सुपरजायंट्सचे समान 12 गुण आहेत. 

टायटन्सच्या गोलंदाजांना या हंगामात अपेक्षेप्रमाणे कामगिरी करता आलेली नाही.

अनुभवी मोहित शर्मा आणि रशीद खान यांची गोलंदाजीतील कामगिरी संघासाठी खूप महत्त्वाची ठरेल. शेवटचा सामना सोडला तर उर्वरित सामन्यांमध्ये त्याच्या आघाडीच्या फलंदाजांना अपेक्षेप्रमाणे कामगिरी करता आली नाही.

गेल्या सामन्यात मुंबई इंडियन्सचा 18 धावांनी पराभव करून केकेआरने प्लेऑफमध्ये आपले स्थान पक्के केले. सलामीवीर फिल सॉल्ट पुन्हा संघाला चांगली सुरुवात देण्याचा प्रयत्न करेल. येथील खेळपट्टी फलंदाजांसाठी अनुकूल आहे. 

 टायटन्सने KKR विरुद्धच्या शेवटच्या तीन पैकी दोन सामने जिंकले आहेत.

दोन्ही संघांचे प्लेइंग 11 

गुजरात टायटन्स: शुभमन गिल (कर्णधार), वृद्धिमान साहा, साई सुदर्शन, डेव्हिड मिलर, शाहरुख खान, राहुल तेवतिया, राशिद खान, नूर अहमद, जोश लिटल, मोहित शर्मा आणि संदीप वॉरियर.

कोलकाता नाइट रायडर्स  :  फिल सॉल्ट (यष्टीरक्षक), सुनील नरेन, व्यंकटेश अय्यर, श्रेयस अय्यर (कर्णधार), रिंकू सिंग, नितीश राणा, आंद्रे रसेल, रमणदीप सिंग, मिचेल स्टार्क, हर्षित राणा, वरुण चक्रवर्ती.

Edited by - Priya Dixit