राहुल गांधींची शेतकऱ्यांसाठी कर्जमाफी घोषणा!

काँग्रेसचे ज्येष्ठ नेते राहुल गांधी म्हणाले की 2024 ची लोकसभा निवडणूक ही संविधान वाचवण्यासाठीची निवडणूक आहे. या निवडणुकीत भाजपला 150 पेक्षा जास्त जागा मिळणार नसल्याचा दावाही त्यांनी केला. राहुल गांधी म्हणाले की, देशात एकीकडे 70 कोटी लोक आहेत, तर दुसरीकडे 22-25 भांडवलदार आहेत. मोदी सरकारच्या काळात या अब्जाधीशांची 16 लाख कोटी रुपयांची कर्जे माफ करण्यात आल्याचे त्यांनी सांगितले. 'इंडिया' आघाडीचे सरकार आल्यास भांडवलदारांचे जेवढे कर्ज माफ झाले, तेवढेच शेतकऱ्यांचे कर्ज माफ केले जाईल. 

राहुल गांधी म्हणाले की, 'इंडिया ' आघाडी सरकार स्थापन झाल्यानंतर गरीब कुटुंबातील महिला सदस्याच्या खात्यात 1 लाख रुपये हस्तांतरित केले जातील, दरमहा 8500 रुपये जमा केले जातील.

राहुल गांधी म्हणाले की, मोदी सरकारने भारताला बेरोजगारीचे केंद्र बनवले आहे. देशातील युवक दररोज सात-आठ तास इन्स्टाग्राम आणि फेसबुकमध्ये गुंतलेले असतात. देशात बेरोजगारी पसरली आहे. त्यामुळे केंद्रात सत्तेवर आल्यानंतर प्रत्येक पदवीधर आणि पदविकाधारकाला पहिली नोकरी देण्याची योजना 'इंडिया' आघाडीने आखली आहे. या योजनेंतर्गत प्रत्येक पदवीधर व पदविकाधारकास शिकाऊ प्रशिक्षणाचा हक्क देण्यात येणार असल्याचे त्यांनी सांगितले.केंद्रातील भाजप सरकारने अब्जाधीशांचे कर्ज माफ केले, मात्र इंडिया आघाडी सरकार शेतकऱ्यांचे कर्ज माफ करेल. 

Edited By- Priya Dixit