सोन्याच्या दरात घसरण सुरूच, चांदीही घसरली

Gold Price Today : सोने खरेदी करण्याचा विचार करणाऱ्यांसाठी एक आनंदाची बातमी आहे. सोन्या-चांदीच्या दरात आज पुन्हा घसरण झाली. मल्टी कमोडिटी एक्सचेंज (MCX) वर बुधवारी सोन्याचा भाव 202 रुपयांनी घसरला. गेल्या पाच दिवसांत सोन्याच्या दरात 3500 रुपयांहून अधिक घसरण झाली आहे.

सोन्याची घसरण सुरूच आहे

बुधवारी दुपारी MCX वर सोन्याचा फ्युचर्स भाव 202 रुपयांनी घसरून 51,362 रुपयांवर आला आहे. एमसीएक्सवर चांदीचा दरही ५६२ रुपयांनी घसरून ६७,७६३ रुपयांवर आला. गेल्या महिनाभरात पहिल्यांदाच चांदीचा दर ६८ हजार रुपयांच्या खाली आला आहे.

जागतिक बाजारात मंदी 

बुधवारी सकाळी जागतिक बाजारात सोने आणि चांदीच्या स्पॉट किमतीत घसरण झाली. जागतिक बाजारात सोन्याचा भाव $1,923.60 प्रति औंस, तर चांदीचा दर $25.11 प्रति औंस होता. तज्ज्ञांचे म्हणणे आहे की, क्रुडच्या किमती घसरल्याने आता गुंतवणूकदारांचा उत्साह पुन्हा बाजारात परतला आहे.

सोन्याची आयात ११ महिन्यांत वाढली

विशेष म्हणजे, चालू आर्थिक वर्षाच्या पहिल्या 11 महिन्यांत म्हणजेच एप्रिल-फेब्रुवारीमध्ये भारतातील सोन्याची आयात 73 टक्क्यांनी वाढून $45.1 अब्ज झाली आहे. मागणी वाढल्याने सोन्याची आयातही वाढली आहे. गेल्या आर्थिक वर्षात याच कालावधीत सोन्याची आयात $26.11 अब्ज होती.